«Қазақстан Республикасы Үкіметінің 2006 жылғы 22 қыркүйектегі № 900 қаулысын жүзеге асыру жөніндегі шаралар туралы» Алматы қаласы Әкімдігінің 2007 жылғы 19 қаңтардағы № 1/92 Қаулысы

«Қазақстан Республикасы Үкіметінің 2006 жылғы 22 қыркүйектегі
№ 900 қаулысын жүзеге асыру жөніндегі шаралар туралы»
Алматы қаласы Әкімдігінің 2007 жылғы 19 қаңтардағы № 1/92 Қаулысы

«Қазақстан Республикасы Үкіметінің кейбір шешімдеріне өзгертулер мен толықтырулар енгізу және Қазақстан Республикасы Үкіметінің 2006 жылғы 13 сәуірдегі № 276 қаулысының күші жойылды деп тану туралы» Қазақстан Республикасы Үкіметінің 2006 жылғы 22 қыркүйектегі № 900 қаулысының 3 тармағын жүзеге асыру мақсатында, Алматы қаласының әкімдігі қаулы етеді:

1. «Алматы қаласының Тарифтер жөніндегі басқармасы» Мемлекеттік мекемесі (мәтін бойынша бұдан әрі-«Алматы қаласының Тарифтер жөніндегі басқармасы» ММ) таратылсын.

2. «Алматы қаласының Тарифтер жөніндегі басқармасы» ММ тарату комиссиясы қосымшаға сәйкес құрамда құрылсын.

3. «Алматы қаласының Тарифтер жөніндегі басқармасы» ММ тарату комиссиясының төрағасы мен «Алматы қаласының Тарифтер жөніндегі басқармасы» ММ басшысы 2007 жылғы 15 ақпанға дейінгі мерзімде Қазақстан Республикасының мемлекеттік қызмет пен еңбек туралы заңдарында белгіленген тәртіппен босаған қызметкерлерді жұмыстан босату мен еңбекке орналастыру жөнінен шаралар қолдансын.

4. «Алматы қаласының Тарифтер жөніндегі басқармасы» ММ тарату комиссиясы:

1) Қазақстан Республикасының заңдарында белгіленген тәртіппен заңды тұлғаны тарату кезінде қажет шаралардың барлығын орындайтын болсын;

2) «Алматы қаласының Тарифтер жөніндегі басқармасы» ММ таратуды 2007 жылғы 15 наурызға дейінгі мерзімде аяқтасын;