Қазақстан Республикасы Көлік және коммуникация министрлігі мен Корея Республикасы Құрылыс және көлік министрлігі арасындағы көлік саласындағы ынтымақтастық туралы Меморандум (Астана қ., 2006 жылғы 22 қыркүйек)

1-бап

Мақсаттар

Осы Өзара түсіністік туралы меморандумның (бұдан әрі - Меморандум) мақсаттары мыналар болып табылады:

а) көлік саласындағы технологиялармен, тәжірибемен алмасу арқылы өзара тиімді ынтымақтастықты кеңейту; және

b) ішкі және халықаралық рыноктарда өзінің бәсекелестігін көтеру үшін Қазақстан және Корея көлік ұйымдары арасындағы ынтымақтастықты дамыту.

2-бап

Ынтымақтастық салалары

Тараптар ынтымақтастықты келесі салаларда іске асырады:

а) көлік инфрақұрылымын дамыту;

b) Тараптар бірлесіп белгілеген басқа да салалар.

3-бап

Ынтымақтастық нысандары

Осы Меморандумның шеңберінде ынтымақтастықтың мынадай нысандары көзделеді:

а) көлік саласында ақпаратпен алмасу;

b) кадрларды даярлау, біліктілігін жоғарылату және алмасу;

с) Тараптар елдерінің кез келгенінде немесе үшінші елдерде жобаларды жобалауға және іске асыруға бірлесіп қатысу (бірлескен кәсіпорындар құруды қоса);

d) техникалық семинарларға, көрмелерге және экспозицияларға қатысуға жәрдемдесу;

e) көлік саласында кадрлармен, жабдықпен және материалдық ресурстармен қамтамасыз етуге қатысты көмек көрсету;

f) екі ел азаматтарына рынокқа кіру және басқа да мәселелерге қатысты қолдау көрсету; және

g) ынтымақтастықтың екі Тарап өзара келіскен басқа да нысандары.