I-ші сайланған Алматы қалалық Мәслихаты ХХІ сессиясының 1998 жылғы 18 қыркүйектегі «Алматы қаласы аумағын жинауды ұйымдастыру және тазалықты сақтау, санитарлық тазалау, көріктендіру Ережелерін бекіту туралы» шешіміне өзгерістер мен толықтырулар енгізу туралы ІІ сайланған Алматы қалалық Мәслихатының XІІІ сессиясының 2001 жылғы 14 қарашадағы шешімі (күші жойылды)

I-ші сайланған Алматы қалалық Мәслихаты ХХІ сессиясының
1998 жылғы 18 қыркүйектегі «Алматы қаласы аумағын жинауды
ұйымдастыру және тазалықты сақтау, санитарлық тазалау,
көріктендіру Ережелерін бекіту туралы» шешіміне өзгерістер мен
толықтырулар енгізу туралы
ІІ сайланған Алматы қалалық Мәслихатының XІІІ сессиясының
2001 жылғы 14 қарашадағы шешімі

ІV сайланған Алматы қаласы мәслихатының VІ сессиясының 2007 жылғы 12 желтоқсандағы № 45 шешімімен күші жойылды

II-ші сайланған Алматы қалалық Мәслихаты шешім қабылдады:

І-ші сайланған Алматы қалалық Мәслихаты ХХІ сессиясының 1998 жылғы 18 қыркүйектегі «Алматы қаласы аумағын жинауды ұйымдастыру және тазалықты сақтау, санитарлық тазалау, көріктендіру Ережелерін бекіту туралы» шешіміне келесі өзгерістер мен толықтырулар енгізілсін:

1) Кіріспе келесі редакцияда берілсін:

«Осы Ережелер Қазақстан Республикасының 2001 ж. 23.01 күнгі, «Қазақстан Республикасындағы жергілікті мемлекеттік басқару туралы» № 148-ҚРЗ II, 1998 ж. 01.07 күнгі «Алматы қаласының ерекше мәртебесі туралы» № 258-І, 1997 ж. 15.07 күнгі «Қоршаған ортаны қорғау туралы» № 160-І, 1994 ж. 08.07 күнгі «Халықтың санитарлық-эпидемиологиялық игілігі туралы» № 110-XIII, Заңдарына және басқа да нормативті-құқықтық актілерге сәйкес әзірленіп, Алматы қаласы аумағын жинауды ұйымдастыру, санитарлық тазалау, көріктендіру өрісіндегі азаматтар мен заңды тұлғалар арасындағы қатынастарды реттейді.

Табиғат пен оның байлығы Қазақстан Республикасы халқы өмірі мен қызметінің, олардың әлеуметтік-экономикалық тұрақтылық пен әл-ауқаты өсуінің табиғи негізі болып табылатындықтан, осы Ережелердің міндеті:

- азаматтардың экологиялық, санитарлық-эпидемиологиялық игілігі, радиациялық қауіпсіздігі жөніндегі конституциялық құқығын жүзеге асыру;

- халықтың санитарлық-эпидемиологиялық игілігі, қазіргі және болашақ ұрпақтың денсаулығына жағымсыз әсер етпейтін, қолайлы қоршаған ортаны қамтамасыз ету жөніндегі мемлекеттік принциптерді жүзеге асыру;