«Концессияға беруге жатпайтын объектілердің тізбесі туралы» Қазақстан Республикасы Президентінің 2007 жылғы 5 наурыздағы № 294 Жарлығы (2014.25.07. берілген өзгерістермен) (күші жойылды)

Қазақстан Республикасы Президентінің  
Жарлығы
 
Концессияға беруге жатпайтын объектілердің тізбесі туралы

(2014.25.07. берілген өзгерістермен)

ҚР Президентінің 2017 жылғы 14 қарашадағы № 583 Жарлығымен күші жойылды

«Концессиялар туралы» Қазақстан Республикасының 2006 жылғы 7 шілдедегі Заңының 4-бабына сәйкес қаулы етемін:

1. Қоса беріліп отырған, концессияға беруге жатпайтын объектілердің тізбесі бекітілсін.

2. Ерекше қорғалатын табиғи аумақтар.

3. Қазақстан Республикасының ұлттық қауіпсіздігін қамтамасыз ету үшін қажетті штаттық мүлік, әскери-техникалық мақсаттағы ұйымдар мен объектілер.

4. Магистральды темір жол желісі, кеме қатынасы су жолдары, шамшырақтар, кеме қатынасы қауіпсіздігін реттейтін және оған кепілдік беретін құрылғылар мен навигациялық белгілер.