«Құқықтық статистика және арнайы есепке алу мәселелері жөніндегі Қазақстан Республикасы Бас Прокурорының нормативтік құқықтық актілері туралы» Қазақстан Республикасы Бас Прокурорының 2003 жылғы 5 мамырдағы № 34 бұйрығы (2010.31.10. берілген өзгерістермен) (күші жойылды)

Құқықтық статистика және арнайы есепке алу мәселелері жөніндегі Қазақстан Республикасы Бас Прокурорының нормативтік құқықтық актілері туралы
Қазақстан Республикасы Бас Прокурорының 2003 жылғы 5 мамырдағы № 34 бұйрығы

(2010.31.10. берілген өзгерістермен)

ҚР Бас Прокурорының 2014 жылғы 19 желтоқсандағы № 156 бұйрығымен ; ҚР Бас Прокурорының 2016 жылғы 31 тамыздағы № 142 бұйрығымен күші жойылды

Қазақстан Республикасы Президентінің 2003 жылғы 28 наурыздағы «Қазақстан Республикасы Бас прокуратурасының Құқықтық статистика және арнайы есепке алу жөніндегі комитетін құру туралы» № 1050 Жарлығына сәйкес (бұдан әрі - Жарлық), Қазақстан Республикасының «Прокуратура туралы» Заңының 11-бабының 4-1) тармақшасын басшылыққа ала отырып, БҰЙЫРАМЫН:

І. Қазақстан Республикасы Бас Прокурорының және оның орынбасарларының төмендегі бұйрықтарында, нұсқауларында, өкімдерінде:

«Қазақстан Республикасы Бас прокуратурасының жанындағы Құқықтық статистика және ақпарат орталығы (департаменті)» деген сөздер «Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті» деген сәйкес септіктегі сөздерге ауыстырылсын;

«Облыстың Құқықтық статистика және ақпарат орталығы және оларға теңестірілгендерге» деген сөздер «Облыстың Құқықтық статистика және ақпарат басқармасы және оларға теңестірілгендерге» деген сәйкес септіктегі сөздерге ауыстырылсын.

1. 1998 жылғы 27 қаңтардағы «Қылмыс жасағандарды дербес, тектері бойынша және дактилоскопиялық есепке алуды, іздестірулік есепке алу тәртібін жүргізу және пайдалану туралы» Нұсқауды бекіту және іске ендіру туралы» №95/оа бұйрығы.

( 2000 жылғы 28 сәуірдегі № 228/оа бұйрығымен толықтырулар ендірілген).

2.  1998 жылғы 23 наурыздағы «Қылмыс және қылмыстық қудалау органының сотқа дейінгі қызметінің нәтижесі туралы» № 1-М нысанды статистикалық есепті бекіту және іске ендіру туралы № 23 бұйрық.