«2007 жылы азаматтарды мерзімді әскери қызметке шақыруды өткізу туралы» Өскемен қаласы әкімдігінің 2007 жылғы 26 сәуірдегі № 578 қаулысы

2007 жылы азаматтарды мерзімді әскери қызметке шақыруды өткізу туралы
Өскемен қаласы әкімдігінің 2007 жылғы 26 сәуірдегі № 578 қаулысы

Қазақстан Республикасының «Әскери міндет және әскери қызмет туралы» Заңының 19, 20, 21, 23-баптарына және Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы 1-тармағының 8) тармақшасына сәйкес, Қазақстан Республикасы Президентінің 2007 жылғы 17 сәуірдегі № 318 «Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару, Қазақстан Республикасы азаматтарын 2007 жылдың сәуір-маусымында және қазан-желтоқсанында кезекті мерзімді әскери қызметке шақыру туралы» Жарлығына сәйкес, Өскемен қаласының әкімдігі ҚАУЛЫ ЕТЕДІ:

1. «Өскемен қаласының қорғаныс істері жөніндегі басқармасы» мемлекеттік мекемесі (келісім бойынша), 1989 жылы туған, сонымен қатар үлкен жастағы шақыруға жарамды, кейінге қалдыруға құқығы жоқ ер азаматтарды әскери қызметке шақыру заңмен белгіленген уақытта өткізілсін.