«Төртінші сайланатын Қазақстан Республикасы Парламенті Мәжілісі депутаттарының кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспарларын бекіту туралы» Қазақстан Республикасы Орталық сайлау комиссиясының 2007 жылғы 21 маусымдағы № 89/165 Қаулысы

Төртінші сайланатын Қазақстан Республикасы Парламенті Мәжілісі депутаттарының кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспарларын бекіту туралы Қазақстан Республикасы Орталық сайлау комиссиясының 2007 жылғы 21 маусымдағы № 89/165 Қаулысы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабының 1) тармақшасына сәйкес және Қазақстан Республикасы Президентінің 2007 жылғы 20 маусымдағы №350 Жарлығы негізінде Қазақстан Республикасының Орталық сайлау комиссиясы қаулы етеді:

1. Қоса беріліп отырған:

1) Төртінші сайланатын Қазақстан Республикасы Парламенті Мәжілісінің, партиялық тізімдер бойынша сайланатын депутаттарының 2007 жылғы 18 тамызға тағайындалған кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспары (1-қосымша);

2) Төртінші сайланатын Қазақстан Республикасы Парламенті Мәжілісінің, Қазақстан халқы Ассамблеясы сайлайтын, депутаттарының 2007 жылғы 20 тамызға тағайындалған кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспары (2-қосымша) бекітілсін.

2. Күнтізбелік жоспарлар облыстық, Астана және Алматы қалаларының сайлау комиссияларына сайлауды ұйымдастыруды және өткізуді қамтамасыз ету үшін жіберілсін.

3. Күнтізбелік жоспарлар бұқаралық ақпарат құралдарында жариялансын.

Астана, Ақорда, 2007 жылғы маусымның 21-і

                     № 89/165

Қазақстан Республикасы Орталық сайлау комиссиясының

2007 жылғы 21 маусымдағы № 89/165 қаулысына

1-қосымша

Төртінші сайланатын Қазақстан Республикасы Парламенті Мәжілісінің партиялық тізімдер бойынша сайланатын депутаттарының 2007 жылғы  18 тамызға тағайындалған кезектен тыс сайлауын әзірлеу мен өткізу жөніндегі негізгі іс-шаралардың

КҮНТІЗБЕЛІК ЖОСПАРЫ