«2007 жылдың сәуір-маусым және қазан-желтоқсан айларында Қазақстан Республикасы Қарулы Күштерінің, басқа да әскерлері мен әскери құрамаларының қатарына 18-27 жас аралығындағы азаматтарды шақыруды жүргізу туралы» Астана қаласы әкімдігінің 2007 жылғы 29 мамырдағы № 33-430қ Қаулысы (күші жойылды)

2007 жылдың сәуір-маусым және қазан-желтоқсан айларында
Қазақстан Республикасы Қарулы Күштерінің, басқа да әскерлері мен әскери
құрамаларының қатарына 18-27 жас аралығындағы азаматтарды шақыруды жүргізу туралы
Астана қаласы әкімдігінің 2007 жылғы 29 мамырдағы № 33-430қ Қаулысы

Астана қаласы әкімдігінің 2008 жылғы 23 маусымдағы № 33-716қ Қаулысымен күші жойылды

«Әскери міндеттілік және әскери қызмет туралы» Қазақстан Республикасы Заңының 20, 23, 44-баптарына, «Халықты жұмыспен қамту туралы» Қазақстан Республикасы Заңының 20-бабына, «Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2007 жылдың сәуір-маусымында және қазан-желтоқсанында кезекті мерзімді әскери қызметке шақыру туралы» Қазақстан Республикасы Президентінің 2007 жылғы 17 сәуірдегі № 318 Жарлығына сәйкес Астана қаласының әкімдігі ҚАУЛЫ ЕТЕДІ:

1. 2007 жылдың сәуір-маусым және қазан-желтоқсан айларында, шақыруды кейінге қалдыруға немесе шақырудан босатылуға құқығы жоқ 18-27 жас аралығындағы азаматтарды Қазақстан Республикасы Қарулы Күштерінің, басқа да әскерлері мен әскери құрамаларының қатарына мерзімді әскери қызметке шақыру және жөнелту өткізілсін.

2. «Алматы» және «Сарыарқа» аудандары шақыру комиссияларының қызметіне басшылық жасау және бақылау мақсатында қалалық шақыру комиссиясы бекітілсін (1 қосымша).

Қалалық шақыру комиссиясының мүшелері түрлі себептермен болмаған жағдайда комиссияның резервтік құрамы бекітілсін (2 қосымша).

3. «Алматы» ауданы шақыру комиссиясының дербес құрамы және жұмыс кестесі бекітілсін (3 қосымша).

4. «Сарыарқа» ауданы шақыру комиссиясының дербес құрамы және жұмыс кестесі бекітілсін (4 қосымша).