«Экспорттық бақылау туралы» Қазақстан Республикасының Заңын іске асыру жөніндегі шаралар туралы Қазақстан Республикасы Премьер-Министрінің 2007 жылғы 27 қыркүйектегі № 277-ө Өкімі

«Экспорттық бақылау туралы» Қазақстан Республикасының Заңын іске асыру жөніндегі шаралар туралы
Қазақстан Республикасы Премьер-Министрінің 2007 жылғы 27 қыркүйектегі № 277-ө Өкімі

1. Қоса беріліп отырған «Экспорттық бақылау туралы» Қазақстан Республикасының 2007 жылғы 21 шілдедегі Заңын іске асыру мақсатында қабылдануы қажет нормативтік құқықтық актілердің тізбесі (бұдан әрі тізбе) бекітілсін.

2. Қазақстан Республикасы Индустрия және сауда министрлігі:

1) тізбеге сәйкес нормативтік құқықтық актілердің жобаларын әзірлесін және белгіленген тәртіппен Қазақстан Республикасының Үкіметіне енгізсін;

2) «Экспорттық бақылау мақсаттары үшін сыртқы экономикалық мәмілелер есебінің ережелері мен нысанын бекіту туралы» ведомстволық нормативтік құқықтық актіні әзірлесін және қабылдасын.

3. Мемлекеттік органдар бұрын қабылданған нормативтік құқықтық актілерді» «Экспорттық бақылау туралы» Қазақстан Республикасының Заңына сәйкес келтірсін және қабылданған шаралар туралы Қазақстан Республикасының Үкіметін хабардар етсін.

Премьер-Министрінің

2007 жылғы 27 қыркүйектегі

№ 277-ө өкімімен

бекітілген