Қазақстан Республикасы Статистика жөніндегі Агенттігінің 2007 жылғы 1 қарашадағы жедел ақпараты «2007 жылдың қазанында азық-түлік тауарларының бағасы 2006 жылдың қазанымен салыстырғанда 21,2%-ға өсті»

Қазақстан Республикасы Статистика жөніндегі Агенттігінің
2007 жылғы 1 қарашадағы жедел ақпараты
 
2007 жылдың қазанында азық-түлік тауарларының бағасы
2006 жылдың қазанымен салыстырғанда 21,2%-ға өсті

Тұрақты өткізіліп тұратын азық-түлік тауарлары бағасының деңгейін байқаудың материалдары 2006 жылдың тиісті айымен салыстырғанда ағымдағы жылдың қазанында нан және жарма өнімдері бағасының 31,4%-ға өскенін көрсетті. Нан - 48%-ға, ұн - 57,3%-ға, күріш - 8,3%-ға, жарма - 7%-ға қымбаттады. Ет және ет өнімдері бағасының өсімі аталған кезеңде 21,2% (құс етіне - 30,3%, жылқы етіне - 28,7%, сиыр етіне - 26,3%, қой етіне - 20,7%, шошқа еті мен шұжық өнімдеріне - 10,7-11,7%) құрады. Жұмыртқа 28,4%-ға, сүт өнімдері - 20,7%-ға, сары май - 16,1%-ға қымбаттады. Күнбағыс майының бағасы 1,8 есе өсті.