Қазақстан Республикасымен жасалған қосарланған салықты болдырмау және табыс салығын төлеуден жалтарудың алдын-алу жөніндегі халықаралық шарттың ережелерін қолдануға құқығы бар резидент еместер болып табылатын заңды немесе жеке тұлғаның Қазақстан Республикасындағы көздерден алатын табысынан салықты қайтаруға өтініш жасау Ережелері (102.01-нысан) (Қазақстан Республикасы Қаржы министрінің 2007 жылғы 19 желтоқсандағы № 468 бұйрығымен бекітілген) (күші жойылды)

ҚР Қаржы министрінің 2008 жылгы  25 желтоқсандағы  № 611 бұйрығымен күші жойылды

Қазақстан Республикасы

Қаржы министрінің

2007 жылғы 19 желтоқсандағы

№ 468 бұйрығымен бекітілген

Қазақстан Республикасымен жасалған қосарланған салықты болдырмау және табыс салығын төлеуден жалтарудың алдын-алу жөніндегi халықаралық шарттың ережелерiн қолдануға құқығы бар резидент еместер болып табылатын заңды немесе жеке тұлғаның Қазақстан Республикасындағы көздерден алатын табысынан салықты қайтаруға өтініш жасау Ережелері
(102.01-нысан)
 
 
1. Жалпы ережелер

1. Осы ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық Кодексі) сәйкес әзірленген және резидент еместердің Қазақстан Республикасындағы көздерден алатын табысынан салықты қайтаруды жүзеге асыруына арналған, қосарланған салықты болдырмау және табыс салығын төлеуден жалтарудың алдын-алу жөніндегi халықаралық шарттың (бұдан әрі - халықаралық шарт) ережелерiн қолдануға құқығы бар резидент еместер болып табылатын заңды немесе жеке тұлғаның Қазақстан Республикасындағы көздерден алатын табысынан салықты қайтаруға өтініш өтінішті (бұдан әрі - Өтініш) жасау тәртібін айқындайды. Өтінішті Салық кодексінің 198, 198-1, 203-баптарына сәйкес қосарланған салықты болдырмау және табыс салығын төлеуден жалтарудың алдын-алу жөніндегi халықаралық шарттың ережелерiн қолдануға құқығы бар резидент еместер толтырады.

2. Өтініш Өтініштің өзінен (102.01-нысан) және табыс салығын салумен байланысты объектілер туралы ақпаратты қамтитын оған қосымшалардан тұрады.

3. Өтініш қағаз тасығышта - қара немесе көк сиялы қалам немесе қаламұшпен, баспа әріптермен немесе баспа құрылғысын пайдалана отырып толтырылады.

4. Өтінішті толтыру кезінде түзетуге, өшіруге және тазалауға жол берілмейді.

5. Көрсеткіштер жоқ болған кезде тиісті торкөздер толтырылмайды.