Бірыңғай жер салығы бойынша ағымдағы төлем есебін жасаудың ережелері (921.00-нысан) (Қазақстан Республикасы Қаржы министрінің 2007 жылғы 19 желтоқсандағы № 468 бұйрығымен бекітілген) (күші жойылды)

ҚР Қаржы министрінің 2008 жылгы  25 желтоқсандағы  № 611 бұйрығымен күші жойылды

Қазақстан Республикасы

Қаржы министрінің

2007 жылғы 19 желтоқсандағы

№ 468 бұйрығымен бекітілген

Бірыңғай жер салығы бойынша ағымдағы
төлем есебін жасаудың ережелері
(921.00-нысан)

1. Жалпы ережелер

1. Осы Ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) сәйкес әзірленген және бірыңғай жер салығын есептеуге арналған бірыңғай жер салығы бойынша ағымдағы төлем есебін (бұдан әрі - Есеп) жасау тәртібін айқндайды. Есепті Салық кодексінің 382-бабы 2-тармағына сәйкес бірыңғай жер салығын төлеушілер жасайды.

2. Есеп осы Есептің өзінен және оған қосымшадан (921.01 нысан) тұрады

3. Есепті жасау кезінде:

1) қағаз тасығышта - қара немесе көк сиялы қаламмен немесе қаламұшпен, баспа әріптермен немесе баспа құрылғысын пайдалана отырып толтырылады;

2) электрондық тасығышта - Салық кодексінің 69-бабына сәйкес толтырылады.

4. Есепті толтыру кезінде түзетулерге, тазартуларға, өшіруге жол берілмейді.

5. Тиісті торкөздердің көрсеткіштері жоқ болған кезде толтырылмайды.

6. Қосымшада көрсетуге жататын деректер жоқ болған жағдайда қосымша толтырылмайды.

7. Қосымшада көрсеткіштерді ашуды талап ететін жолдарды толтыру кезінде қосымша міндетті тәртіпте толтырылуға жатады.

8. Қосымша парағында бар жолдардағы көрсеткіштердің саны асып кеткен жағдайда қосымшаның осындай ұқсас парағы толтырылады.

Салық төлеушіде әр түрлі көрсеткіштері бар жер телімдері (иелік ету кезеңі; жер пайдалану құқығын куәландыратын құжаттар және т.б.) болған жағдайда әр жер телімі бойынша бөлек қосымша парағы толтырылады.

9. Қосымшалардың «Жалпы ақпарат» бөліміндерінде Есептің «Жалпы ақпарат» бөлімінде көрсетілген тиісті деректер көрсетіледі.

10. Сомалардың теріс мәні тиісті жолдың (бағанның) бірінші сол жақ торкөзіне «-» белгісімен белгіленеді.

11. Есепті беру кезінде:

1) қағаз тасығышта келу тәртібімен - екі данада жасалады, бір данасы салық органының белгісімен салық төлеушіге қайтарылады;