Қалааралық және (немесе) халықаралық телефон байланысын ұсынғаны үшін төлемнің ағымдағы төлемдер сомаларының есебін жасау ережелері (891.00-нысан) (Қазақстан Республикасы Қаржы министрінің 2007 жылғы 19 желтоқсандағы № 468 бұйрығымен бекітілген) (күші жойылды)

ҚР Қаржы министрінің 2008 жылгы  25 желтоқсандағы  № 611 бұйрығымен күші жойылды

Қазақстан Республикасы

Қаржы министрінің

2007 жылғы 19 желтоқсандағы

№ 468 бұйрығымен бекітілген

Қалааралық және (немесе) халықаралық телефон байланысын ұсынғаны үшін
төлемнің ағымдағы төлемдер сомаларының есебін жасау ережелері
(891.00-нысан)
 
 
1. Жалпы ережелер

1. Осы Ережелер «Салық және бюджетке төленетін басқа да міндетті төлемдер туралы» Қазақстан РеспубликасыныңКодексіне (Салық кодексі) сәйкес әзірленген және қалааралық және (немесе) халықаралық телефон байланысын ұсынғаны үшін төлемақыны есептеуге арналған қалааралық және (немесе) халықаралық телефон байланысын ұсынғаны үшін ағымдағы төлемдер сомаларының есебін (бұдан әрі - Есеп) жасау тәртібін айқындайды.

Қалааралық және (немесе) халықаралық телефон байланысын ұсынғаны үшін ағымдағы төлемдер сомаларының есебін Қазақстан Республикасының заң актілерінде белгіленген тәртіппен құқық алған, қалааралық және (немесе) халықаралық телефон байланысы операторлары болып табылатын жеке және заңды тұлғалар.

2. Есеп осы Есептің өзінен (891.00 нысан) және қалааралық және (немесе) халықаралық телефон байланысын ұсынғаны үшін төлемақы төлеу объектілері туралы ақпаратты ашу жөніндегі оған қосымшадан (891.01 нысан) тұрады.

3. Нысанды жасау кезінде:

1) қара немесе көк сиялы қаламмен немесе қаламұшпен, баспа әріптермен немесе баспа құрылғысын пайдалана отырып толтырылады;

2) электрондық тасығышта - нысандар Салық кодексінің 69-бабына сәйкес толтырылады.

4. Есепті толтыру кезінде түзетулерге, тазартуларға, өшіруге жол берілмейді.

5. Көрсеткіштер жоқ болған кезде тиісті тор көздер толтырылмайды.

6. Қосымшада көрсетуге жататын деректер жоқ болған жағдайда қосымша табыс етілмейді.

7. Қосымшада көрсеткіштерді ашуды талап ететін жолдарды толтыру кезінде қосымша міндетті тәртіпте толтырылуға жатады.

8. Қосымшалардың «Жалпы ақпарат» бөлімдерінде Есептің «Жалпы ақпарат» бөлімінде көрсетілген тиісті деректер көрсетіледі.