Есептелген салық сомасынан есепке жатқызуға жатқызылатын қосылған құн салығы сомасының асып кетуін қайтару туралы өтінішті толтыру ережесі (392.00-нысан) (Қазақстан Республикасы Қаржы министрінің 2007 жылғы 19 желтоқсандағы № 468 бұйрығымен бекітілген) (күші жойылды)

ҚР Қаржы министрінің 2008 жылгы  25 желтоқсандағы  № 611 бұйрығымен күші жойылды

Қазақстан Республикасы

Қаржы министрінің

2007 жылғы 19 желтоқсандағы

№ 468 бұйрығымен бекітілген

Есептелген салық сомасынан есепке жатқызуға жатқызылатын
қосылған құн салығы сомасының асып кетуін қайтару туралы өтінішті
толтыру ережесі (392.00-нысан)
 
 
1. Жалпы ережелер

1. Осы Ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) сәйкес әзірленген және Есептелген салық сомасынан есепке жатқызуға жатқызылатын қосылған құн салығы сомасының асып кетуін қайтару туралы өтінішті (бұдан әрі - Өтініш) толтыру тәртібін айқындайды. Өтінішті Салық кодексін енгізгенге дейін жер қойнауын пайдалануға арналған келісім-шарттар бойынша салық режимінің тұрақтылығы нормаларына сәйкес есептелген салық сомасынан есепке жатқызуға жатқызылатын қосылған құн салығы сомасының асып кетуін қайтару көзделген салық төлеушілер толтырады.

2. Өтінішті толтыру кезінде:

1) қағаз түрінде - қара немесе көк сиялы қаламмен немесе қаламұшпен, баспа әріптермен немесе баспа құрылғысымен толтырылады;

2) электронды түрде - Салық кодексі 69-бабының 1-тармағына сәйкес толтырылады.

3. Өтінішті толтыру кезінде түзетуге, өшіруге және тазалауға жол берілмейді.

4. Көрсеткіштер болмаған кезде Өтініштің тиісті ұяшықтары толтырылмайды.

5. Соманың теріс мәні тиісті жолдың (бағанның) бірінші сол жақтағы тор көзінде « - » белгісімен белгіленеді.

6. Өтінішті беру кезінде:

1) Өтініш қағаз түрінде келу тәртібінде екі данада жасалады, бір данасы салық органының белгісімен салық төлеушіге қайтарылады;

2) салық төлеуші хабарламаны почта арқылы хабарламалы тапсырысты хатпен қағаз түрінде почта немесе өзгелей байланыс ұйымы арқылы алады;

3) Салық кодексінің 69-бабындағы 8-тармағының 3) тармақшасына сәйкес келу тәртібімен немесе электрондық почта бойынша электрондық түрде салық төлеуші Өтінішті қабылдау (жеткізу) туралы хабарламаны салық органында немесе электрондық почта бойынша алады.