«Мемлекеттік қызмет көрсету стандарттарын бекіту туралы» Қазақстан Республикасы Еңбек және халықты әлеуметтік қорғау Министрінің 2007 жылғы 30 қарашадағы № 289-ө Бұйрығы (күші жойылды)

Мемлекеттік қызмет көрсету стандарттарын бекіту туралы
Қазақстан Республикасы Еңбек және халықты әлеуметтік қорғау Министрінің 2007 жылғы 30 қарашадағы № 289-ө Бұйрығы

ҚР Еңбек және халықты әлеуметтік қорғау министрінің 2011 жылғы 6 мамырдағы № 165-ө Бұйрығымен күші жойылды

«Мемлекеттік қызмет көрсетудің үлгі стандартын бекіту туралы» Қазақстан Республикасы Үкіметінің 2007 жылғы 30 маусымдағы № 558 қаулысының 2-тармағын іске асыру мақсатында БҰЙЫРАМЫН:

1. Қоса беріліп отырған:

1) Әлеуметтік жеке код беру жөніндегі мемлекеттік қызмет көрсету стандарты осы бұйрыққа 1-қосымшаға сәйкес;

2) Оралман мәртебесін беру және тіркеу жөніндегі мемлекеттік қызмет көрсету стандарты осы бұйрыққа 2-қосымшаға сәйкес;

3) Көші-қон квотасы бойынша келген оралмандарға тұрақты тұратын жеріне жол жүру және мүлікті (оның ішінде малды) жеткізу шығыстарын өтеу, келген жерінде тұрғын үй сатып алуға қаражат бөлу және біржолғы жәрдемақы төлеу жөніндегі мемлекеттік қызмет көрсету стандарты осы бұйрыққа 3-қосымшаға сәйкес;

4) Зейнетақы төлеу жөніндегі мемлекеттік орталықтан төленетін зейнетақы төлемдерін тағайындау жөніндегі мемлекеттік қызмет көрсету стандарты осы бұйрыққа 4-қосымшаға сәйкес;

5) Базалық зейнетақы төлемін тағайындау жөніндегі мемлекеттік қызмет көрсету стандарты осы бұйрыққа 5-қосымшаға сәйкес;

6) Мүгедектігі бойынша, асыраушысынан айрылу жағдайы бойынша және жасына байланысты берілетін мемлекеттік әлеуметтік жәрдемақыларды тағайындау жөніндегі мемлекеттік қызмет көрсету стандарты осы бұйрыққа 6-қосымшаға сәйкес;