«Жергілікті өкілетті органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау және төлеу» мемлекеттік қызмет стандарты» (Шымкент қаласы әкімдігінің 2007 жылғы 26 қарашадағы № 2046 қаулысымен Бекітілген) (күші жойылды)

Оңтүстік Қазақстан облысы Шымкент қаласының әкімдігінің 2009 жылғы 10 мамырдағы № 1444 Қаулысымен күші жойылды

Шымкент қаласы әкімдігінің

2007 жылғы 26 қарашадағы

№ 2046 қаулысымен

Бекітілген

«Жергілікті өкілетті органдардың шешімдері
бойынша мұқтаж азаматтардың жекелеген санаттарына
әлеуметтік көмек тағайындау және төлеу»
мемлекеттік қызмет стандарты
 
 
1. Жалпы ережелер

1. Осы мемлекеттік қызмет стандарты жергілікті өкілетті органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау және төлеу тәртібін белгілейді (бұдан әрі-мемлекеттік қызмет).

2. Мемлекеттік қызмет көрсету нысаны: автоматтандырылмаған.

3. Мелекеттік қызмет көрсету Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңының 31 бабының негізінде көрсетіледі.

4. Мемлекеттік қызметті Шымкент қаласы, Алдияров көшесі 10 мекен-жайы бойынша орналасқан Шымкент қаласының жұмыспен қамту және әлеуметтік бағдарламалар бөлімі көрсетеді.

5. Мемлекеттік қызметтің аяқтау нысаны жергілікті өкілетті органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау және төлеу.

6. Мемлекеттік қызмет Қазақстан Республикасының азаматтарына көрсетіледі (бұдан әрі - тұтынушы).

7. Мемлекеттік қызмет мынадай мерзімдерде көрсетіледі:

1) мемлекеттік қызметті тұтынушы қажетті құжаттарды тапсырған күннен бастап: 15 жұмыс күні ішінде;

2) қажетті құжаттарды тапсыру кезінде ең ұзақ кезек күту уақыты: 40 минуттан аспауы тиіс;

3) әлеуметтік көмекті тағайындау немесе тағайындаудан бас тарту жөнінде хабарландыруды алу үшін кезекте күту уақыты ең көп дегенде: 30 минуттан аспауы тиіс.

8. Мемлекеттік қызметті тегін көрсетіледі.