Аурулардың диагностикасы және емдеу хаттамалары (терапиялық сала) «Теміртапшылықты анемия. Хаттама коды: P-T-007» (Алматы 2007 ж.)

Қазақстан Республикасы Денсаулық сақтау министрлігі
Денсаулық сақтауды дамыту институты
 
Аурулардың диагностикасы және емдеу хаттамалары

(терапиялық сала)

Алматы 2007 ж.

Теміртапшылықты анемия

1. Теміртапшылықты анемия

2. Хаттама коды: P-T-007

3. АХЖ-10 бойынша коды (кодтары):

D50 Теміртапшылықты анемия

D50.0 Постгеморрагиялық (созылмалы) анемия

D50.8 Басқа теміртапшылықты анемиялар

D50.9 Анықталмаған теміртапшылықты анемия

4. Анықтамасы: Теміртапшылықты анемия (ТТА) - түрлі патологиялық (физиологиялық) процесстер фонында дамитын және анемия мен сидеропения белгілерімен көрініс табатын, темір тапшылығы нәтижесінде гемоглобин синтезінің бұзылуымен мінезделетін патологиялық жағдай.

ТТА - ауру емес исндром және оны туындатқан патогенездік механизмдер анықталуы қажет, бірқатар ауыр ауруларда дамуы мүмкін.

5. Анемияның жіктемесі:

М.П. Кончаловский жіктемесі бойынша постгеморрагиялық, қантүзілу бұзылыстары салдарынан анемия (оның ішінде теміртпашылықты), гемолиттік анемияларды ажыратады.

Орташа эритроцитарлық көлемге байланысты ажыратады (ОЭК): микроцитарлық (ОЭК 80 фл аз), нормоцитарлық (ОЭК 81-94 фл аз) және  макроцитарлық (ОЭК 95 фл жоғары).

Эритроциттердегі Hb құрамына байланысты ажыратады: гипохромдық (эритроциттердегі Hb орташа құрамы [ЭГОҚ] 27 пг аз) нормохромдық (ЭГОҚ 27-33 пг) және гиперхромдық (ЭГОҚ 33 пг жоғары).

Патогенез бойынша: жіті, постгеморрагиялық және созылмалы

Ауырлық дәрежесі бойынша: жеңіл, орташа дәрежелі ауырлықта және ауыр.

ТТА диагнозында себеп және анемия ауырлық дәрежесі көрсетіледі.

6. Қауіп-қатерлі факторлар: қан кетулер, созылмалы энтериттер, кейбір глисттік инвазиялар, соқылмалы аурулар маңызды этиологиялық факторлар болып табылады - ТТА көп жағдайда тамақтану рационында қол жетімді биологиялық темірдің тапшылығы ең көп таралған себебі болып табылады. Әйелдерде қауіп қатарлі факторлар  - көлемді етеккірлер, асқазан ішек қан кетулері, жеткіліксіз тамақтану, асқазан ішек жолдарында сіңірілудің бұзылуы, асқазан резекциясы, ісіктер, созылмалы экзогендік улану, ферменттердің тұқымқуалаушылық ақауы..

7. Біріншілік профилактика:

Құрамында темірі көп диета (ет, бауыр және басқалар).

Темір препараттарын ұзақ уақыт қабылдау (4-6 ай).