«Оралмандардың 2008 жылға арналған көшіп келу квотасын бөлу туралы» Қазақстан Республикасы Үкіметінің 2008 жылғы 15 ақпандағы № 137 Қаулысы (2008.03.11. берілген өзгерістер мен толықтырулармен)

Оралмандардың 2008 жылға арналған көшіп келу квотасын бөлу туралы
Қазақстан Республикасы Үкіметінің 2008 жылғы 15 ақпандағы № 137 Қаулысы

(2008.03.11. берілген өзгерістер мен толықтырулармен)

«Халықтың көші-қоны туралы» Қазақстан Республикасының 1997 жылғы 13 желтоқсандағы Заңына және «Оралмандардың 2008 жылға арналған көшіп келу квотасы туралы» Қазақстан Республикасы Президентінің 2007 жылғы 30 желтоқсандағы № 506 Жарлығына сәйкес Қазақстан Республикасының Үкіметі ҚАУЛЫ ЕТЕДІ:

1. Қосымшаға сәйкес оралмандардың 2008 жылға арналған көшіп келу квотасы облыстар (республикалық маңызы бар қала, астана) бойынша бөлінсін.

2. Қазақстан Республикасы Еңбек және халықты әлеуметтік қорғау министрлігі:

1) облыстар, республикалық маңызы бар қала және астана әкімдерімен бірлесіп, көшіп келу квотасына енгізілген оралмандарды қабылдауды, жайластыруды және оларды орналастыру орындарында бейімдеуге арналған жағдайды 2008 жылға арналған республикалық бюджетте осы мақсаттарға көзделген қаражат шегінде қамтамасыз етсін;

2) Қазақстан Республикасы Сыртқы істер министрлігімен бірлесіп, мемлекеттің қаржылық қолдауынсыз өзінің тарихи отанына келе алмайтын ұлты қазақ адамдардың ұйымдастырылған көшіп келуін жүзеге асырсын.

3. Қазақстан Республикасы Еңбек және халықты әлеуметтік қорғау министрлігі осы қаулының орындалуы туралы есептерді 2008 жылғы 1 шілдеге және 2009 жылғы 1 ақпанға Қазақстан Республикасының Үкіметіне ұсынсын.

4. Осы қаулы қол қойылған күнінен бастап қолданысқа енгізіледі.

ҚР Үкіметінің 2008 ж. 3 қарашадағы № 1000 Қаулысымен қосымша өзгертілді (бұр. ред. қара)

Қазақстан Республикасы

Үкіметінің

2008 жылғы 15 ақпандағы

№ 137 қаулысына

қосымша

Оралмандардың 2008 жылға арналған көшіп келу квотасы