Аурулардың диагностикасы және емдеу хаттамалары (біріншілік медициналық-санитарлық көмек көрсететін ұйымдар үшін) «Бронхылық демікпелік статус. Хаттама коды: Е-002» (Алматы 2007 ж)

Қазақстан Республикасы Денсаулық сақтау министрлігі
Денсаулық сақтауды дамыту институты

Аурулардың диагностикасы және емдеу хаттамалары

(біріншілік медициналық-санитарлық көмек көрсететін ұйымдар үшін)

Алматы 2007 ж

Бронхылық демікпелік статус

Хаттама коды: Е-002

Кезеңдік ем мақсаты:

1. Өкпеде газ алмасу бұзылысын (гипоксемия және гиперкапния) қалпына келтіру.

2. Тыныс жолдары өткізгіштігін қалпына келтіру.

3. Бронхылардың β2 - адренорецепторларының сезімталдығын қалпына келтіру.

4. Ішкі ағзалық ортаның жұмысын реттеу.

АХЖ-10 бойынша коды (кодтары): J46 - Демікпелік статус. (status asthmaticus)

Анықтамасы: Демікпелік жағдай - бронхының демікпе ұстамасының 6 сағатқа дейін басылмайтын және симпатомиметикалық дәрілерге көнбейтін жағдай дамуымен, бронхылардың дренаждық функциясының бұзылуымен, сонымен қатар гипоксемия, гиперкапния пайда болуымен сипатталады.

Демікпелік жағдайдың (ДЖ) жіктелуі:

Демікпелік жағдай түрлері:

Анафилаксиялық түрі: (ДЖ дереу, дамитын түрі) Иммунологиялық емес немесе псевдоаллергиялық реакциялармен аллергиялық реакция медиаторларының көп мөлшерде бөлінуімен сипатталады. Бұл түрінде гипоксия үдемелі түрде дамиды, сондықтан барлық клиникалық көріністері қарқынды және тасқынды түрде бір-бірін тез алмастырып отырады. Жедел және ауыр тұншығу ұстамасы комалық жағдайға туындатады.

Метаболизмдік түрі: (ДЖ баяу дамитын түрі) - β-адренергиялық рецепторларының функциональды блокадасы маңызды орын алады. Демікпелік жағдайдың бұл түрі аяқ астынан, кейде бірнеше тәуліктен немесе аптадан соң пайда болады. Науқастар белгілі бір көлемде жүріп-тұра алады (бөлмеде қимылдау, әжетханаға бару), бірақ өте қиналады, ентігумен қатар жалпы жағдайы нашарлайды.

ДЖ ағымының ауырлығына байланысты бөлінуі:

I кезеңі- салыстырмалы компенсация кезеңі - симпатомиметиктерге және басқа да бронходилятаторлық емге көнбейтін, бронхылық демікпенің ұзақ уақыт басылмайтын ұстамасы. Келесі клиникалық симптомдар мен синдромдар байқалады:

- тыныс алу мен тыныс шығарудың айқын қиындауымен, қашықтан естілетін сырылдар мен минутына 30 және одан көп тыныс жиілігімен жүретін тахипноэ.