Аурулардың диагностикасы және емдеу хаттамалары (акушерлік-гинекологиялық саладағы стационарлар үшін) «Плацентаның және ұрық қабының қан кетусіз түспей қалуы. Хаттама коды: H-O-005» (Алматы 2007 ж.)

Қазақстан Республикасы денсаулық сақтау министрлігі
Денсаулық сақтауды дамыту институты
 
Аурулардың диагностикасы және емдеу хаттамалары

(акушерлік-гинекологиялық саладағы стационарлар үшін)

Алматы 2007 ж.

Плацентаның және ұрық қабының қан кетусіз түспей қалуы

1. Плацентаның және ұрық қабының қан кетусіз түспей қалуы

2. Хаттама коды: H-O-005

3. АХЖ-10 бойынша коды (кодтары):

О73 Плацентаның және ұрық қабаның қан кетусіз түспей қалуы

О73.0. Плацентаның қан кетусіз түспей қалуы

О73.1. Плацентаның бөлшектерінің немесе ұрық қабаның қан кетусіз түспей қалуы

4. Анықтамасы: Бала жолдасы мен бала жолдасы қабының жатыр қуысында қансыраусыз кідіріп қалуы - босанудың III кезеңіндегі қан кету болмайтын, бірақ дереу көмек көрсетуді қажет ететін асқыну. Бұл асқынудың жиілігі 10% шамасында.

5. Жіктемесі:

1.Бала жолдасы тіні мен оның қосымша бөлшектерінің ақуалары;

2. Жатыр қуысында бала жолдасы қабының шықпай қалуы;

3 Бала жолдасының мықты бекуі - іштегі нәресте туғаннан кейін 30 минут ішінде бала жолдасының бөлінгенінің және қан кетудің байқалмауы.

4. Бала жолдасы нағыз бекуі - бала жолдасы тіндерінің жатырдың бұлшық етті қабатына қарай өсуі, оған диагноз қою бала жолдасын қолмен алуға тырысқанда және бала жолдасы бөлінгеннен кейін болуы мүмкін.

Қауіп-қатерлі факторлар:

1. Бала жолдасының босану кезіндегі ақауы;

2. Бала жолдасының нағыз бекуі;

3. Бала жолдасының мықты бекуі;

4. Алдында жасалған кесар тілігі немесе жатырға жасалған басқа да хирургиялық араласу;

5. Көп босану;

6. Бала жолдасының дамуындағы ауытқу;

7.  Босанудың III кезеңінде кіндікке, әсіресе оның жатыр түбінде бекіп тұрған кезде кіндікті шектен тыс тарту;

8. Босану кезіндегі гипертермия;

9. Ұзақ уақыт сусыз кезең (24 сағаттан аса).

6. Госпитализациялау үшін көрсетімдер: Бұл асқынуға босанған соң бірден диагноз қойылады және бірден ем жасалады.

7. Диагностика критерилері:

7.1 шағымдар мен анамнез: жоқ

7.2 физикалық тексеру:

1. Босанған бала жолдасы тексерген кезде бала жолдасы тіні мен бала жолдасы қабының ақауы байқалады;