Аурулардың диагностикасы және емдеу хаттамалары (хирургиялық саладағы стационарлар үшін) «Паратонзиллярлық абсцесс. Хаттама коды : H-S-043» (Алматы 2007 ж)

Қазақстан Республикасының денсаулық сақтау министрлігі
Денсаулық сақтауды дамыту институты
 
Аурулардың диагностикасы және емдеу хаттамалары

(хирургиялық саладағы стационарлар үшін)

Алматы 2007 ж

Паратонзиллярлық абсцесс

1. Паратонзиллярлық абсцесс

2. Хаттама коды: H-S-043

3. АХЖ-10 коды: J 36 Перитонзиллярлық абсцесс

4. Анықтамасы: Паратонзиллит - бұл инфекция көзі болып табылатын микроб антигендеріне бадамшалардың сезімталдығы фонында пайда болатын бадамша жанындағы шелмайдың жіті қабынуы.

5. Жіктемесі:

Бадамша жанындағы шелмайда патологиялық процестің орналасуына байланысты абсцестің мына түрлері ажыратылады: [1, 3, 5 ]

-алдыңғы жоғарғы ( 67,3%-75%);

- артқы жоғарғы (12,1%);

-артқы (8,6%);

- сыртқы немесе бүйірлік (4,8%);

- алдыңғы (1,1%);

-төменгі (0,6%);

-екі жақтық (3,6%).

Клиникалық ағымы бойынша:

-Жіті (97,1 %);

-Жітілеу  (2,1%);

-жиі қайталанатын (0,6%);

- созылмалы (0,2 %).

Аурудың даму кезеңі бойынша:

-экссудативтік-инфильтративтік;

-абсцесс кезеңі;

-кері даму кезеңі.

6. Госпитализациялау үшін көрсетімдер: жедел

7.Диагностика критерилері:

7.1 шағымдары және анамнезі: жұтқыншақтың ауыруы, көбіне бір жағы, және ангинамен ауырғаннан кейін байқалады. Ауырсыну сезімінің күштілігі сонша, науқас тамақ пен сұйықтық ішуден ғана емес, дәрі ішуден де бас тартады. Басы ауырады, дел-салдық сезіледі. Дене температурасы 38-40°С-қа жетеді. [4] А

7.2 қарап тексергенде: Паратонзиллярлық абсцестің классикалық үштігі (триада) пайда болады: көп мөлшерде сілекей ағу, шайнау бұлшықеттерінің қарысуы (тризм) және ашық маңқалық.

7.3 лабораторлық зерттеулер: Клиникалық анализдерде Жіті инфекциялық-іріңді процеске тән көрініс байқалады: қанда лейкоциттер деңгейінің жоғарылауы, ЭТЖ жоғарылауы. Жалпы несеп анализінде айқын қалыптан ауытқу байқалмайды.

7.4 инструменталдық зерттеу: Фарингоскопияда бадамша жанындағы тіннің Жіті ісінуінен және қызаруынан аңқа ассиметриясы көрінеді (тілшік, жұмсақ таңдай, доғалары), таңдай бадамшасының орнынан шығып ортаңғы сызыққа қарай жылжуы.

7.5 мамандар консультациясын алуға көрсеткіштер: инфекционист, онколог, гематолог, дерматолог-венеролог.

7.6 салыстырмалы диагноз: