Мемлекеттік қызмет көрсетудің «Уақытша өтеулі жер пайдалану құқығына актілер рәсімдеу» Стандарты (Облыс әкімдігінің 2008 жылғы 6 ақпандағы № 24 қаулысымен Бекітілді) (күші жойылды)

Облыс әкімдігінің

2008 жылғы 6 ақпандағы

№ 24 қаулысымен

Бекітілді

Ақтөбе облысының әкімиятының 2010 жылғы 19 наурыздағы № 90 қаулысымен күші жойылды

Мемлекеттік қызмет көрсетудің
«Уақытша өтеулі жер пайдалану құқығына актілер рәсімдеу»
Стандарты

1. Жалпы ережелер

1. Уақытша өтеусіз жер пайдалану құқығына актілер рәсімдеу.

2. Көрсетілетін мемлекеттік қызметтің нысаны:

Ішінара автоматтандырылған.

3. Жер учаскесі туралы анықтама беру жөніндегі мемлекеттік қызмет Қазақстан Республикасының 2003 жылғы 20 маусымдағы № 442-II Жер кодексінің 35, 36, 43 баптарына сәйкес жүргізіледі.

4. Осы қызметті Ақтөбе қаласы, Әбілқайыр хан даңғылы, 40, сайт: www.jer.akimat.info мекен-жайындағы «Ақтөбе облысы бойынша жер қатынастары басқармасы» ММ көрсетеді.

5. Осы мемлекеттік қызмет көрсету нәтижесі уақытша өтеусіз жер пайдалану құқығына акт беру болып табылады.

6. Осы мемлекеттік қызмет Қазақстан Республикасының азаматтарына және Қазақстан Республикасының заңды тұлғаларына көрсетіледі.

7. Мемлекеттік қызмет көрсету кезіндегі уақыт бойынша шектеу мерзімдері:

1) мемлекеттік қызметті алу үшін тұтынушы қажетті құжаттарды тапсырған (тіркелген сәттен, талон алғаннан бастап және т.с.с.), электрондық сауал берген сәттен бастап мемлекеттік қызмет көрсету мерзімдері: 2 ай;

2) қажетті құжаттарды тапсырған кезде (тіркеу, талон алу кезде және т.с.с.) кезек күтуге, электрондық сауалды қалыптастыруға рұқсат берілген ең ұзақ уақыт: 20 минут;

3) мемлекеттік қызмет көрсету нәтижесі ретінде құжаттарды алған кезде кезек күтуге рұқсат берілген ең ұзақ уақыт, файлдың рұқсат берілген жоғары мөлшері: 20 минут.

8. Қазақстан Республикасының Жер Кодексінің 35 және 36 баптарына сәйкес мемлекеттік меншікке жататын жер учаскелері Қазақстан Республикасының азаматтарына және Қазақстан Республикасының заңды тұлғаларына өтеусіз жер пайдалануға беріледі. Бұл мемлекеттік қызмет тегін жүргізіледі.