«Қалалар мен аудандар бюджеттеріне 2006 жылға арналған облыстық бюджеттен ағымдағы нысаналы трансферттер туралы» Маңғыстау облысы әкімиятының 2006 жылғы 30 наурыздағы № 118 қаулысы (күші жойылды)

Қалалар мен аудандар бюджеттеріне 2006 жылға арналған облыстық бюджеттен ағымдағы нысаналы трансферттер туралы
Маңғыстау облысы әкімиятының 2006 жылғы 30 наурыздағы № 118 қаулысы

Маңғыстау облысы әкімдігінің 2008 жылғы 28 ақпандағы № 164 қаулысымен күші жойылды

Қазақстан Республикасының «Қазақстан Республикасындағы жергілікті мемлекеттік басқару туралы» Заңына және Маңғыстау облыстық мәслихатының «2006 жылға арналған облыстық бюджет туралы» 2005 жылғы 6 желтоқсандағы № 13/229 шешіміне сәйкес облыс әкімияты ҚАУЛЫ ЕТЕДІ:

1. Он алты жасқа дейінгі бала кезінен мүгедек үйде оқытылып, тәрбиеленетін балаларды материалдық қамтамасыз ету үшін берілетін әлеуметтік көмек мүгедек балаларды жалпы немесе арнайы мектепке дейінгі мекемелерде және оқу орындарында тәрбиелеуді және оқытуды жүзеге асыруға мүмкіндігі болмаған жағдайда ата-анасының біреуіне немесе оның орнындағы адамға (қамқоршыға) өтініш берген айдан бастап, психологиялық-медициналық-педагогикалық-консультацияның (бұдан әрі - ПМПК) анықтамасында көрсетілген оқу жылына тағайындалады.

Тағайындауға қажетті құжаттар болып мыналар табылады:

1) халықты әлеуметтік қорғау саласындағы орталық атқарушы органның аумақтық бөлімшесінің мүгедектігін белгілеу туралы анықтамасы;

2) ПМПК-ның анықтамасы;

3) баланың тууы туралы куәлігі;

4) тұрғындар есебі кітабы;

5) арыз берушінің жеке басын куәландыратын құжат;

6) салық төлеушінің тіркеу нөмірі;

7) банктегі салымы жөніндегі дербес есеп шотының нөмірі.

2. Аудандық, қалалық жұмыспен қамту және әлеуметтік бағдарламалар бөлімдері он жұмыс күні ішінде табыс етілген құжаттардың негізінде он алты жасқа дейінгі бала кезінен мүгедек үйде оқытылып, тәрбиеленетін балаларды материалдық қамтамасыз ету үшін берілетін әлеуметтік көмекті тағайындау туралы немесе тағайындаудан бас тарту туралы шешім қабылдайды.