«Мемлекеттік тұрғын үй қорынан тұрғын үйге мұқтаж азаматтарды есепке қою және кезектілік» мемлекеттік қызметін көрсетудің стандарты (Өскемен қаласы әкімдігінің 2008 жылғы 21 ақпандағы № 5757 қаулысына 3 қосымша) (күші жойылды)

Шығыс Қазақстан облысы Өскемен қаласы әкімдігінің 2009 жылғы 2 сәуірдегі № 20 Қаулысымен күші жойылды

Өскемен қаласы әкімдігінің

2008 жылғы 21 ақпандағы

№ 5757 қаулысына

3 қосымша

«Мемлекеттік тұрғын үй қорынан тұрғын үйге мұқтаж азаматтарды есепке қою
және кезектілік» мемлекеттік қызметін көрсетудің стандарты
 
 
1. Жалпы ережелер

1. Мемлекеттік тұрғын үй қорынан тұрғын үйге мұқтаж азаматтарды есепке қою және кезектілік - мемлекеттік тұрғын үй қорынан тұрғын үй беру үшін тұрғын үйге мұқтаж азаматтарды есепке қою (бұдан әрі - мемлекеттік қызмет).

2. Көрсетілетін мемлекеттік қызметтің түрі ішінара автоматтандырылған.

3. Мемлекеттік қызмет Қазақстан Республикасының 1997 жылғы 16 сәуірдегі «Тұрғын үй қатынастары туралы» Заңының 71-74 баптарының, Қазақстан Республикасы Үкіметінің 1999 жылғы 2 қыркүйектегі № 1292 «Мемлекеттік тұрғын үй қорынан тұрғын үй беру, жалдау және пайдалану тәртібі туралы» қаулысының 7-тармағының негізінде жүзеге асырылады.

4. Мемлекеттік қызметті Ушанов көшесі, 27 мекенжайы бойынша орналасқан, сайт www.oskemen.kz. «Өскемен қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» (бұдан әрі - Бөлім) мемлекеттік мекемесі көрсетіледі.

5. Көрсетілетін мемлекеттік қызметтің нәтижесі мемлекеттік тұрғын үй қорынан тұрғын үйге мұқтаж азаматтарды есепке қою туралы мәлімдеме беру болып табылады.

6. Мемлекеттік қызмет тұрғын үйге мұқтаж, осы елді мекенде тұрақты тұратын және халықтың әлеуметтік жағынан қорғалатын табысы аз топтарына жататын Қазақстан Республикасының азаматтарына, сонымен бірге тұрғын үйге мұқтаж мемлекеттік қызметшілерге, бюджеттік ұйымдардың қызметкерлеріне, әскери қызметшілерге және сайланбалы мемлекеттік лауазымдағы тұлғаларға (бұдан әрі - тұтынушы) көрсетіледі.

Халықтың әлеуметтік жағынан қорғалатын тобына: