Мемлекеттік қызмет көрсетудің стандарты «Мүгедектерге, соның ішінде басқа адамның күтуін қажет ететін мүгедек балаларға үйлерінде әлеуметтік қызмет көрсетуге құжаттар ресімдеу» (Өскемен қаласы әкімдігінің 2008 жылғы 21 ақпандағы № 5757 қаулысына 16 қосымша) (күші жойылды)

Шығыс Қазақстан облысы Өскемен қаласы әкімдігінің 2009 жылғы 2 сәуірдегі № 20 Қаулысымен күші жойылды

Өскемен қаласы әкімдігінің

2008 жылғы 21 ақпандағы

№ 5757 қаулысына

16 қосымша

Мемлекеттік қызмет көрсетудің стандарты
«Мүгедектерге, соның ішінде басқа адамның күтуін қажет ететін мүгедек балаларға үйлерінде
әлеуметтік қызмет көрсетуге құжаттар ресімдеу»
 
 
1. Жалпы ережелер

1. Мүгедектерге, соның ішінде басқа адамның күтуін қажет ететін мүгедек балаларға үйлерінде әлеуметтік қызмет көрсетуге құжаттар ресімдеу - мүгедектерге және қарттарға әлеуметтік қызмет көрсету бойынша үйде әлеуметтік көмек көрсету бөлімінің қызметі (бұдан әрі - мемлекеттік қызмет).

2. Көрсетілетін мемлекеттік қызметтің нысаны ішінара автоматтандырылған.

3. Мемлекеттік қызмет Қазақстан Республикасының 2005 жылғы 13 сәуірдегі «Мүгедектерді әлеуметтік қорғау туралы» Заңының 23-бабының, Қазақстан Республикасының еңбек және халықты әлеуметтік қорғау Министрінің міндеттерін атқарушы 2005 жылғы 1 желтоқсандағы № 306-п бұйрығымен бекітілген үйде әлеуметтік қызмет көрсету үлгі ережелерінің 37 тармағының негізінде көрсетіледі.

4. Мемлекеттік қызметті Ворошилов көшесі 157/2 мекенжайы бойынша орналасқан, сайт www.oskemen.kz, «Өскемен қаласының жұмыспен қамту және әлеуметтік бағдарламалар бөлімі» мемлекеттік мекемесі (бұдан әрі - Бөлім) көрсетеді.

5. Көрсетілетін мемлекеттік қызметтің нәтижесі - мүгедектерге, соның ішінде басқа адамның күтуін қажет ететін мүгедек балаларға үйлерінде әлеуметтік қызмет көрсетуге құжаттар ресімдеу.

6. Мемлекеттік қызмет жеке тұлғаларға (бұдан әрі - тұтынушы) көрсетіледі.

7. Мемлекеттік қызмет көрсету кезіндегі уақыты бойынша шектеу мерзімдері:

1) тұтынушы қажетті құжаттарды тапсырған, мемлекеттік қызметті алу үшін электронды сұрау салған сәттен бастап мемлекеттік қызмет көрсету мерзімдері - 30 күн ағымында;