«Тұрғын үй көмегін тағайындау» мемлекеттік қызмет көрсету стандартын бекіту туралы Қостанай облысы әкімдігінің 2008 жылғы 30 қаңтардағы № 100 қаулысы

«Тұрғын үй көмегін тағайындау» мемлекеттік қызмет көрсету стандартын бекіту туралы
Қостанай облысы әкімдігінің 2008 жылғы 30 қаңтардағы № 100 қаулысы

«Әкімшілік рәсімдер туралы»«Қазақстан Республикасының 2000 жылғы 27 қарашадағы Заңының 9-1-бабына және «Мемлекеттік қызмет көрсетудің үлгі стандартын бекіту туралы» Қазақстан Республикасы Yкіметінің 2007 жылғы 30 маусымдағы № 558 және «Жеке және заңды тұлғаларға көрсетілетін мемлекеттік қызметтердің тізілімін бекіту туралы» 2007 жылғы 30 маусымдағы № 561 қаулыларына орай Қостанай облысының әкімдігі ҚАУЛЫ ЕТЕДІ:

1. Қоса беріліп отырған «Тұрғын үй көмегін тағайындау» мемлекеттік қызмет көрсетудің стандарты бекітілсін.

2. Осы қаулының орындалуын бақылау облыс әкімінің орынбасары С.Ш. Бектұрғановқа жүктелсін.

3. Осы қаулы алғашқы рет ресми жарияланған күнінен бастап он күнтізбелік күн өткен соң қолданысқа енгізіледі.

Облыс әкімінің

міндетін атқарушы

Әкімдік мүшелері:

КЕЛІСІЛДІ

Әкімдіктің

2008 жылғы 30 қаңтардағы

№ 100 қаулысымен бекітілген

«Тұрғын үй көмегін тағайындау»

мемлекеттік қызмет көрсету Стандарты

1. Жалпы ережелер

1. Табысы аз отбасыларға (азаматтарға) тұрғын үйді (жеке тұрғын үйді ұстаудан басқа) ұстауға, жеке меншік тұрғын үй қорында жергілікті атқарушы органымен жалданған тұрғын жайды пайдалану үшін жалгерлік төлемге, коммуналдық қызметтерді пайдалануға және қалалық телекоммуникация желілеріне қосылған телефон үшін абоненттік ақы көтерілу бөлігінде байланыс қызметтеріне төлеуге берілетін тұрғын үй көмегі.

2. Көрсетілетін мемлекеттік қызмет нысаны: ішінара автоматтандырылған.