2008 жылғы 30 сәуірдегі № 22-7-114 Маңғыстау облысы прокурорының Заң бұзушылықты жою туралы Наразылығы

Шығыс № 22-7-114

30.04.2008 ж.

Мұнайлы

аудандының ішкі істер

бөлімінің бастығы

А.Ш. Мендіғалинге

НАРАЗЫЛЫҚ

Заң бұзушылықты жою туралы

16.01.2008 жылғы Мұнайлы аудандық ішкі істер бөлімінің кәмелетке толмағандар ісі жөніндегі бөлімшенің аға инспекторы полиция капитаны Ж.С. Сарбасовамен толтырылған № 5430061343 санды хаттамасына сәйкес, кәмелет жасқа толмаған М.Б. Ибрагимовке Қазақстан Республикасының әкімшілік құқық бұзушылық туралы Кодексінің (бұдан былай - Кодекс) 336 бабының 1 бөлігімен  әкімшілік жауапкершілікке тартылып, оған әкімшілік жаза ретінде 1168 (мың бір жүз алпыс сегіз) теңге айыппұл салынған.

Бұл қаулы заңсыз болғандықтан төмендегі негіздерге байланысты бұзылып, заңға сәйкестендіруге жатады.

Кодекстің586 бабының 6 тармағында,он сегіз жасқа толмаған адам жасаған әкімшілік құқық бұзушылық туралы іс қаралған кезде оның заңды өкілінің қатысуы міндетті. Кәмелетке толмаған адамның заңды өкілі келуден жалтарған жағдайда оған ішкі істер органының (полицияның) алып келуі қолданылуы мүмкін.

Алайда, осыған қайшы кәмелетке жасы толмаған М.Б. Ибрагимовке қарсы жинақталған әкімшілік хаттамада М.Б. Ибрагимовтың заңды өкілі немесе ата-анасы қатыстырылмаған.

Нақ дәл осындай заң бұзушылықтар № 5430061356 М.О. Исмагуловке және № 5430061712 Б.Ю. Джумаеваға қарсы толтырылған әкімшілік құқық бұзушылық хатамаларда кәмелетке жасы толмағандардың заңды өкілі немесе ата-аналары қатыстырылмаған.