«Шаруашылық жүргізу құқығындағы мүліктік кешенді беру туралы» Алматы қаласы әкімдігінің 2005 жылғы 26 қазандағы № 5/700 қаулысы

Шаруашылық жүргізу құқығындағы мүліктік кешенді беру туралы
Алматы қаласы әкімдігінің 2005 жылғы 26 қазандағы № 5/700 қаулысы

Қазақстан Республикасының Азаматтық Кодексін, «Алматы қаласының айрықша мәртебесі туралы», «Мемлекеттік кәсіпорындар туралы», «Қазақстан Республикасында жергілікті мемлекеттік басқару туралы» Заңдарын басшылыққа ала отырып және Қазақстан Республикасы Қаржы Министрлігі Мемлекеттік мүлік және жекешелендіру комитетінің 2004 жылғы 19 қарашадағы № 340 бұйрығы негізінде Алматы қаласының әкімдігі ҚАУЛЫ ЕТЕДІ:

1. Алматы қаласы «Дорожник» шағынауданы, 26 «Е» үй мекен-жайы бойынша орналасқан бұрынғы автобазаның объектілер кешені керек жарақтарымен және жабдықтарымен, коммуникацияларымен, инженерлік желілерімен (әрі қарай кешені) қосымшаға сәйкес Алматы қаласының коммуналдық меншігіне берілсін.

2. Алматы қаласы, «Дорожник» шагынауданы, 26 «Е» үй мекен-жайы бойынша орналасқан бұрынғы автобазаның мүліктік кешені қосымшаға сәйкес Алматы қаласы әкімдігінің шаруашылық жүргізу құқығындағы «Алматыжер» мемлекеттік коммуналдық кәсіпорнына (әрі қарай «Алматыжер» МКК) алынсын.

3. Алматы қаласының қаржы департаменті (А. Әбдіқадырова) қабылдау-беру актісі бойынша кешенді шаруашылық жүргізу құқығындағы «Алматыжер» МКК-на берсін.