Шығыс Қазақстан облысының жергілікті атқарушы органдары ұсынатын мемлекеттік қызметтерді көрсету стандарттарын бекіту туралы Шығыс Қазақстан облысы әкімдігінің 2008 жылғы 8 сәуірдегі № 527 қаулысы (күші жойылды)

Шығыс Қазақстан облысының жергілікті атқарушы органдары ұсынатын мемлекеттік
қызметтерді көрсету стандарттарын бекіту туралы
Шығыс Қазақстан облысы әкімдігінің 2008 жылғы 8 сәуірдегі № 527 қаулысы

Шығыс Қазақстан облысы әкімдігінің 2009 жылғы 7 сәуірдегі № 19 Қаулысымен күші жойылды

 «Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабының 2-тармағын басшылыққа ала отырып, «Мемлекеттік қызмет көрсетудің үлгі стандартын бекіту туралы» 2007 жылғы 30 маусымдағы № 558, «Жеке және заңды тұлғаларға көрсетілетін мемлекеттік қызметтердің тізілімін бекіту туралы» 2007 жылғы 30 маусымдағы № 561 Қазақстан Республикасы Үкіметінің қаулыларына сәйкес Шығыс Қазақстан облысының әкімдігі ҚАУЛЫ ЕТЕДІ:

1. Қоса беріліп отырған мемлекеттік қызметтерді көрсету стандарттары бекітілсін:

1) осы қаулының 1 қосымшасына сәйкес «Шетелдік бұқаралық ақпарат құралдарын есепке қою»;

2) осы қаулының 2 қосымшасына сәйкес «Миссионерлік қызметпен айналысатын азаматтарды есептік тіркеуге (қайта тіркеуге) қою»;

3) осы қаулының 3 қосымшасына сәйкес «Жалпы таралған пайдалы қазбаларды барлауға, өндіруге немесе бірлескен өндіру мен барлауға келісім-шарттарды тіркеу»;

4) осы қаулының 4 қосымшасына сәйкес «Жалпы таралған пайдалы қазбаларды барлауға, өндіруге және бірлескен өндіру мен барлауға кепіл шартын тіркеу»;