«Жалпы таралған пайдалы қазбаларды барлауға, өндіруге және бірлескен барлау мен өндіруге кепіл шартын тіркеу» мемлекеттік қызметін көрсету стандарты (Шығыс Қазақстан облысы әкімдігінің 2008 жылғы 8 сәуірдегі № 527 қаулысымен бекітілді) (күші жойылды)

Шығыс Қазақстан облысы әкімдігінің 2009 жылғы 7 сәуірдегі № 19 Қаулысымен күші жойылды

Шығыс Қазақстан

облысы әкімдігінің

2008 жылғы 8 сәуірдегі

№ 527 қаулысына 4 қосымша

«Жалпы таралған пайдалы қазбаларды барлауға, өндіруге
және бірлескен барлау мен өндіруге кепіл шартын тіркеу»
мемлекеттік қызметін көрсету стандарты

1. Жалпы ережелер

1. Осы стандарт жалпы таралған пайдалы қазбаларды барлауға, өндіруге және бірлескен барлау мен өндіруге кепіл шартын тіркеу (бұдан әрі - мемлекеттік қызмет) тәртібін айқындайды.

2. Көрсетілетін мемлекеттік қызметтің нысаны: автоматтандырылмаған.

3. Мемлекеттік қызмет «Жер қойнауы және жер қойнауын пайдалану туралы» Қазақстан Республикасы Заңының 14-бабының негізінде жүзеге асырылады.

4. Мемлекеттік қызметті Өскемен қаласы, М. Горький көшесі, 40, 306- кабинет мекенжайы бойынша «Шығыс Қазақстан облысының кәсіпкерлік және өнеркәсіп департаменті» мемлекеттік мекемесі (бұдан әрі - Департамент) көрсетеді.

5. Көрсетілетін мемлекеттік қызметтің аяқталу нысаны (нәтижесі) жер қойнауын пайдалану құқығын кепілге беруге рұқсат беру болып табылады.

6. Мемлекеттік қызмет қазақстандық және шетелдік жеке және заңды тұлғаларға (бұдан әрі - тұтынушы) көрсетіледі.

7. Мемлекеттік қызметті көрсету кезінде уақыт бойынша шектеулер мерзімдері:

1) жер қойнауын пайдалану құқығын кепілге беруге рұқсат арыз берілген күннен бастап 45 күн ішінде беріледі;

2) құжаттарды тапсыру кезінде кезекте күтудің ең көп жол берілетін уақыты 20 минут;

3) құжаттарды алу кезінде кезекте күтудің ең көп жол берілетін уақыты 20 минут.

8. Мемлекеттік қызмет тегін ұсынылады.

9. Мемлекеттік қызмет стандарты Өскемен қаласы, М. Горький көшесі, 40 мекенжайы бойынша Департамент стендінде, сондай-ақ www.akimvko.gov.kz сайтында орналастырылған.

10. Мемлекеттік қызмет сенбі мен жексенбі және мереке күндерінен басқа, сағат 13.00-ден 14.00-ге дейінгі үзіліспен күнделікті сағат 9.00-ден 18.00-ге дейін, алдын ала жазылусыз және жеделдетіп қызмет көрсетусіз ұсынылады.