Мемлекеттік қызмет көрсету стандарты Балаларды патронатты тәрбиелеуге алуға тілек білдірген отбасылардың өтінішін қабылдау (Мойылды ауылы әкімінің 2008 жылғы 25 сәуірдегі № 5 шешімімен бекітілген 4 қосымша) (күші жойылды)

Павлодар облысы Павлодар қаласы Мойылды ауылдық әкімінің 2008.17.09. № 10 шешімімен күші жойылды

Мойылды ауылы әкімінің 2008 жылғы

25 сәуірдегі № 5 шешімімен бекітілген

4 қосымша

Мемлекеттік қызмет көрсету стандарты Балаларды патронатты тәрбиелеуге алуға тілек
 білдірген отбасылардың өтінішін қабылдау
 
1. Жалпы ереже

1. Осы стандарт балаларды патронатты тәрбиелеуге алуға тілек білдірген отбасылардың өтініш қабылдау бойынша мемлекеттік қызмет көрсету (бұдан әрі - мемлекеттік қызмет көрсету) тәртібін белгілейді.

2. Көрсетілетін мемлекеттік қызмет көрсету нысаны автоматтандырылмаған.

3. Мемлекеттік қызмет Қазақстан Республикасының 1998 жылғы 17 желтоқсандағы «Неке және отбасы туралы» Заңының 119, 120, 121, 122, 123 баптары, Қазақстан Республикасының 2002  жылғы 8 тамыздағы «Қазақстан Республикасындағы бала құқығы туралы» Заңының 27 бабы, 4-тармағы, Қазақстан Республикасы үкіметінің 1999 жылғы 9 қыркүйектегі «Қазақстан Республикасының қорғаншылық және қамқоршылық органдары туралы Ережесін бекіту туралы, патронат және ата-анасының қамқорлығынсыз қалған балаларды орталықтандырылған тіркеуді ұйымдастыру қағидасы туралы» № 1346 қаулысы негізінде көрсетіледі.

4. Мемлекеттік қызметті Мойылды ауылы, Центральная көшесі, 5 мекенжайында орналасқан «Мойылды ауылы әкімінің аппараты» мемлекеттік мекемесі (бұдан әрі - әкім аппараты) көрсетеді.

5. Мемлекеттік қызмет көрсетудің нәтижесі - анықтама беру болып табылады.

6. Мемлекеттік қызмет Қазақстан Республикасының азаматтарына көрсетіледі (бұдан әрі - тұтынушы).

7. Мемлекеттік қызмет көрсету кезінде уақыт бойынша шектеу мерзімдері:

1) мемлекеттік қызметті алу үшін тұтынушы қажетті құжаттарды тапсырған сәттен бастап, мемлекеттік қызметті алу үшін электрондық сұраныс берген сәттен бастап мемлекеттік қызмет көрсету мерзімдері - 15 күннен 30 күнге дейін;

2) қажетті құжаттарды тапсырған кезде кезек күтуге, электрондық сұранысты қалыптастыруға рұқсат берілген ең ұзақ уақыт - 25 минутқа дейін;