Семей ядролық сынақ полигонында ядролық сынақтардың салдарынан зардап шеккен азаматтарды тіркеу және есепке алу бойынша мемлекеттік қызмет көрсетудің стандарты (Жамбыл облысы әкімиятының 2008 жылғы 25 сәуірдегі № 124 қаулысымен бекітілген) (2008.25.09. берілген өзгерістермен) (күші жойылды)

Жамбыл облысы әкімдігінің 2010 жылғы 2 қыркүйектегі  № 254 Қаулысымен күші жойылды

Жамбыл облысы әкімиятының

2008 жылғы 25 сәуір № 124

қаулысымен бекітілген

Семей ядролық сынақ полигонында ядролық сынақтардың салдарынан зардап
шеккен азаматтарды тіркеу және есепке алу бойынша мемлекеттік қызмет көрсетудің стандарты

(2008.25.09. берілген өзгерістермен)

1. Жалпы ережелер

1. Мемлекеттік қызмет: аталған стандарт Семей ядролық сынақ полигонында ядролық сынақтардың салдарынан зардап шеккен азаматтарды тіркеу және есепке алудың тәртібін анықтайды.

2. Көрсетілетін мемлекеттік қызмет: автоматтандырылмаған.

3. Көрсетілетін мемлекеттік қызметтің негіздемесі болып мыналар табылады: Қазақстан Республикасының 1992 жылғы 18 желтоқсандағы «Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы» Заңының 11 бабы және Қазақстан Республикасы Үкіметінің 2006 жылғы 20 ақпандағы «Семей ядролық сынақ полигонында ядролық сынақтардың салдарынан зардап шеккен азаматтарға біржолғы мемлекеттік ақшалай өтемақы төлеудің кейбір мәселелері туралы» № 110 Қаулысы.

4. Осы мемлекеттік қызметті ұсынатын мемлекеттік мекемелер аудандар мен Тараз қаласы әкімияттарының жұмыспен қамту және әлеуметтік бағдарламалар бөлімдері болып табылады.

5. Мемлекеттік қызметтің аяқтау нысаны болып тіркеу және есепке алу туралы шешім немесе тіркеу және есепке алудан бас тарту табылады.

6. Семей ядролық сынақ полигонында ядролық сынақтардың салдарынан зардап шеккен азаматтарды тіркеу және есепке алу мемлекеттік қызметі Семей ядролық сынақ полигонында ядролық сынақтардың салдарынан зардап шеккен азаматтарға көрсетіледі.

7. Қызмет көрсету мерзімі:

1) қажетті құжаттарды тапсырған кезден бастап мемлекеттік қызмет көрсету мерзімі: 20 күн;

2) қажетті құжаттарды тапсырған кезде кезек күтуге кететін ең ұзақ уақыт: 30 минут;

3) хабарлама алған кезде кезек күтуге кететін ең ұзақ уақыт: 10 минут.

8. Қызмет тегін көрсетіледі.