«Мемлекеттік қызмет көрсету стандарттарын бекіту туралы» Жамбыл облысы әкімиятының 2008 жылғы 25 сәуірдегі № 121 қаулысы (2008.25.09. берілген өзгерістермен) (күші жойылды)

Мемлекеттік қызмет көрсету стандарттарын бекіту туралы
Жамбыл облысы әкімиятының 2008 жылғы 25 сәуірдегі № 121 қаулысы

(2008.25.09. берілген өзгерістермен)

Жамбыл облысы әкімдігінің 2010 жылғы 2 қыркүйектегі  № 254 Қаулысымен күші жойылды

Қазақстан Республикасының 2000 жылғы 27 қарашадағы «Әкімшілік рәсімдер туралы» Заңының 1, 9-1, 15-1 баптарына, Қазақстан Республикасы Үкіметінің 2007 жылғы 30 маусымдағы «Мемлекеттік қызмет көрсетудің үлгі стандартын бекіту туралы» № 558, 2007 жылғы 30 маусымдағы «Жеке және заңды тұлғаларға көрсетілетін мемлекеттік қызметтер тізілімін бекіту туралы» № 561 қаулыларына сәйкес, Жамбыл облысы әкімияты ҚАУЛЫ ЕТЕДІ:

1. Мемлекеттік қызмет көрсетудің қоса берілген стандарттары бекітілсін:

Жамбыл облысы әкімиятының 2008.25.09. № 305 қаулысымен  1) тармақша орыс тіліндегі мәтінге өзгеріс енгізіледі, мемлекеттік тілдегі мәтіні өзгермейді

1) мемлекеттік және мемлекеттік емес медициналық-әлеуметтік мекемелерде әлеуметтік қызмет көрсетуге арналған құжаттарды ресімдеу;

2) мүгедектерге үйінде, оның ішінде бөгде адамның күтіміне және жәрдеміне мұқтаж мүгедек балаларға әлеуметтік қызмет көрсетуге арналған құжаттарды ресімдеу.

2. Осы қаулының орындалуын бақылау Жамбыл облысы әкімінің орынбасары Б. Иманәлиевке жүктелсін.

3. Осы қаулы әділет органдарында тіркеуден өткеннен кейін күшіне енеді және алғаш ресми жарияланған күннен бастап он күнтізбелік күн өткен соң қолданысқа енгізіледі.

Жамбыл облысы әкімиятының

2008 жылғы 25 сәуір

№ 121 қаулысымен

бекітілген