«2008 жылы жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің тізбесі туралы» 2008 жылғы 7 наурыздағы № 484 қаулыға өзгерістер енгізу туралы» Шығыс Қазақстан облыстық әкімдігінің 2008 жылғы 10 шілдедегі № 67 қаулысы

«2008 жылы жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің тізбесі туралы» 2008 жылғы 7 наурыздағы № 484 қаулыға өзгерістер енгізу туралы
Шығыс Қазақстан облыстық әкімдігінің 2008 жылғы 10 шілдедегі № 67 қаулысы

«Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабы 1-тармағының 2) тармақшасына, «Жекешелендіру туралы» Қазақстан Республикасының Заңына сәйкес, Шығыс Қазақстан облысының қалалары мен аудандары әкімдерінің, сондай-ақ облыстық басқармалардың қолдаухаттары негізінде, Шығыс Қазақстан облысының әкімдігі ҚАУЛЫ ЕТЕДІ:

1. «2008 жылы жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің тізбесі туралы» Шығыс Қазақстан облысы әкімдігінің 2008 жылғы 7 наурыздағы № 484 қаулысына (Нормативтік құқықтық актілерді мемлекеттік тіркеу тізілімінде № 2478 болып тіркелген, 2008 жылғы 3 сәуірдегі № 40-41 «Дидар», 2008 жылғы 3 сәуірдегі № 47-48 «Рудный Алтай» газеттерінде жарияланған) мынадай өзгерістер енгізілсін:

1) көрсетілген қаулының 4-тармағындағы «облыс әкімінің бірінші орынбасары Ә.С. Бергеневке» сөздері «облыс әкімінің орынбасары Е.Қ. Нұрланбаевқа» сөздеріне ауыстырылсын;

2) көрсетілген қаулымен бекітілген 2008 жылы жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің тізбесі осы қаулының қосымшасына сәйкес жаңа редакцияда жазылсын.

3. Осы қаулы алғаш ресми жарияланған күнінен кейін он күнтізбелік күн өткен соң қолданысқа енгізіледі.