«Қазақстан Республикасы Үкіметінің 2007 жылғы 6 қарашадағы № 1039 қаулысына толықтырулар мен өзгерістер енгізу туралы» Қазақстан Республикасы Үкіметінің 2008 жылғы 23 тамыздағы № 764 Қаулысы

Қазақстан Республикасы Үкіметінің 2007 жылғы 6 қарашадағы № 1039 қаулысына толықтырулар мен өзгерістер енгізу туралы
Қазақстан Республикасы Үкіметінің 2008 жылғы 23 тамыздағы № 764 Қаулысы

Ел экономикасының тұрақтылығын қамтамасыз ету мақсатында Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасының әлеуметтік-экономикалық дамуының тұрақтылығын қамтамасыз ету жөніндегі бірінші кезектегі іс-қимылдар жоспарын бекіту туралы» Қазақстан Республикасы Үкіметінің 2007 жылғы 6 қарашадағы № 1039 қаулысына (Қазақстан Республикасының ПҮАЖ-ы, 2007 ж., № 42, 489-құжат) мынадай толықтырулар мен өзгерістер енгізілсін:

1) көрсетілген қаулымен бекітілген Қазақстан Республикасының әлеуметтік-экономикалық дамуының тұрақтылығын қамтамасыз ету жөніндегі бірінші кезектегі іс-қимылдар жоспарында:

«Ағымдағы жағдайды талдау. Мақсат және міндеттер» деген 1-бөлімде:

мынадай мазмұндағы он жетінші абзацпен толықтырылсын:

«4) бюджеттік инвестициялық жобаларды іске асырудың тұрақтылығын қамтамасыз ету.»;

жиырма екінші абзацтағы «кредит беруді» деген сөздерден кейін «, сондай-ақ бюджеттік инвестициялық жобаларды қаржыландыруды» деген сөздермен толықтырылсын;

мындай мазмұндағы жиырма үшінші абзацпен толықтырылсын:

«2-1) елдің азық-түлік нарығында тұрақтылықты қамтамасыз ету;»;

жиырма сегізінші абзацтағы «шағын» деген сөзден кейін «және орта» деген сөздермен толықтырылсын;

«Мақсатқа қол жеткізу және қойылған міндеттерді іске асыру тетіктері» деген 2-бөлімде:

2-тармақта:

мәтіндегі «ШКДҚ» деген аббревиатура «ДАМУ» КДҚ» деген сөздермен ауыстырылсын;

бесінші абзацта:

«жобаларын» деген сөзден кейін «, сондай-ақ бюджеттік инвестициялық жобаларды» деген сөздермен толықтырылсын;

«ЕДБ-нің филиалдық желісі» деген сөздерден кейін «және өзге де қаржы ұйымдары» деген сөздермен толықтырылсын;

«Шағын кәсіпкерлікті дамыту қоры» АҚ-на (бұдан әрі - ШКДҚ)» деген сөздер «ДАМУ» кәсіпкерлікті дамыту қоры» АҚ-ға (бұдан әрі - «ДАМУ» КДҚ)» деген сөздермен ауыстырылсын;

мынадай мазмұндағы алтыншы абзацпен толықтырылсын: