«Жауапты мемлекеттік қызмет атқаратын тұлғалар жасаған қылмыстар туралы» №1-Д нысанды статистикалық есепті және оның құрылуы жөніндегі Нұсқаулықты бекіту туралы» Қазақстан Республикасы Бас Прокурорының 2005 жылғы 16 наурыздағы № 6 бұйрығы (күші жойылды)

«Жауапты мемлекеттік қызмет атқаратын тұлғалар жасаған қылмыстар туралы»
№1-Д нысанды статистикалық есепті және оның құрылуы жөніндегі Нұсқаулықты бекіту туралы
Қазақстан Республикасы Бас Прокурорының 2005 жылғы 16 наурыздағы № 6 бұйрығы

ҚР Бас прокурорының 2014 жылғы 14 қазандағы № 115 бұйрығымен күші жойылды

Мемлекеттік құқықтық статистиканы және арнайы есепке алуды жетілдіру мақсатында Қазақстан Республикасының «Прокуратура туралы» Заңының 11-бабының 4-1) тармақшасын басшылыққа ала отырып, БҰЙЫРАМЫН:

1.Бекітілсін:

1) «Жауапты мемлекеттік қызмет атақаратын тұлғалар жасаған қылмыстар туралы» №1-Д нысанды статистикалық есеп;

2) «Жауапты мемлекеттік қызмет атақаратын тұлғалар жасаған қылмыстар туралы» №1-Д нысанды статистикалық есепті құру және қалыптастыру жөніндегі Нұсқаулық;

2. Бұйрық Қазақстан Республикасы Бас прокуратурасының Құқықтық статистика және арнайы есепке алу жөніндегі комитетіне орындау үшін жолдансын.

3. Осы бұйрықтың орындалуын бақылау Бас Прокурордың орынбасары - Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Төрағасына жүктелсін (Г.В.Ким).

4. Осы бұйрық 2005 жылдың 1 сәуірінен бастап күшіне енгізіледі.

Қазақстан Республикасы

Бас Прокурорының

2005 жылғы 16 наурыздағы

№ 6 бұйрығымен

бекітілген

«Жауапты мемлекеттік қызмет атқаратын тұлғалар жасаған қылмыстар туралы»

№1-Д нысанды статистикалық есепті құру және

қалыптастыру жөніндегі

НҰСҚАУЛЫҚ

1. Жалпы ережелер

1. Осы Нұсқаулық «Жауапты мемлекеттік қызмет атқаратын тұлғалар жасаған қылмыстар туралы есепті» (бұдан әрі - №1-Д н. есеп) №1-Д нысанды статистикалық есепті құру және қалыптастыру үшін көзделген.