«Миссионерлік қызметпен айналысатын азаматтарды есептік тіркеуге (қайта тіркеуге) қою» мемлекеттік қызмет көрсетудің стандартын бекіту туралы» Қарағанды облысының әкімдігінің 2008 жылғы 9 қыркүйектегі № 25/02 қаулысы

«Миссионерлік қызметпен айналысатын азаматтарды есептік тіркеуге (қайта тіркеуге) қою» мемлекеттік қызмет көрсетудің стандартын бекіту туралы
Қарағанды облысының әкімдігінің 2008 жылғы 9 қыркүйектегі № 25/02 қаулысы

Қазақстан Республикасының 2000 жылғы 27 қарашадағы «Әкімшілік рәсімдер туралы» Заңының 9-1 бабына және Қазақстан Республикасы Үкіметінің 2007 жылғы 30 маусымдағы «Мемлекеттік қызмет көрсетудің үлгі стандартын бекіту туралы» № 558 қаулысына сәйкес, мемлекеттік қызмет көрсетудің сапасын арттыру мақсатында Қарағанды облысының әкімдігі ҚАУЛЫ ЕТЕДІ:

1. Қоса беріліп отырған «Қарағанды облысының ішкі саясат басқармасы» мемлекеттік мекемесі (бұдан әрі - Басқарма) көрсететін «Миссионерлік қызметпен айналысатын азаматтарды есептік тіркеуге (қайта тіркеуге) қою» мемлекеттік қызмет көрсетудің стандарты бекітілсін.

2. Басқарма осы қаулыны әділет органдарында мемлекеттік тіркеуді және мемлекеттік қызмет көрсетудің бекітілген стандартын облыстық маңызы бар бұқаралық ақпарат құралдарында жариялауды қамтамасыз етсін.

3. Осы қаулының орындалуын бақылау облыс әкімінің орынбасары А.Е.Базарбаевқа жүктелсін.

«Миссионерлік қызметпен айналысатын азаматтарды

есептік тіркеуге (қайта тіркеуге) қою»

мемлекеттік қызметін көрсету стандарты

1. Жалпы ережелер

1. Берілген мемлекеттік қызмет миссионерлік қызметпен айналысатын азаматтарды есептік тіркеуге (қайта тіркеуге) қою тәртібін анықтайды.

2. Көрсетілетін мемлекеттік қызметтің нысаны: автоматтандырылмаған.