«Кыргыз Республикасынын Куралдуу Күчтөрүнүн Абадан кол салуудан коргоо күчтөрүн түзүү жөнүндө» Кыргыз Республикасынын Президентинин 2006-жылдын 27-июлундагы № 396 Жарлыгы

КЫРГЫЗ РЕСПУБЛИКАСЫНЫН ПРЕЗИДЕНТИНИН
 
ЖАРЛЫГЫ
 
Кыргыз Республикасынын Куралдуу Күчтөрүнүн Абадан кол салуудан коргоо күчтөрүн түзүү жөнүндө

Аба мейкиндигинде мамлекеттин эгемендүүлүгүн жана улуттук коопсуздугун камсыз кылуу максатында жана ал мыйзамдуу түрдө жөнгө салынганга чейин токтом кылам:

1. Кыргыз Республикасынын Коргоо министрлигинин абадан кол салуудан коргоо жана авиация башкармаларынын, бирикмелеринин, бөлүктөрүнүн базасында Кыргыз Республикасынын Куралдуу Күчтөрүнүн Абадан кол салуудан коргоо күчтөрү түзүлсүн.

2. Кыргыз Республикасынын Куралдуу Күчтөрүнүн Абадан кол салуудан коргоо күчтөрүнө (мындан ары - Абадан кол салуудан коргоо күчтөрү) аба мейкиндигинде эгемендүүлүктү жана улуттук коопсуздукту камсыз кылуу, аба мейкиндигин коргоо, мамлекеттик, администрациялык, өнөржай-экономикалык объекттерди жана аскерлердин топторун абадан сокку уруудан коргоо жана калкалоо жоопкерчилиги жүктөлсүн.