«2007-2008-окуу жылына Кыргыз Республикасынын кесиптик орто окуу жайларына кабыл алуунун Эрежелерин бекитүү жөнүндө» Кыргыз Республикасынын билим берүү жана илим министрлигинин 2007-жылдын 31-майындагы № 293/1 буйругу (күчүн жоготкон)

2007-2008-окуу жылына Кыргыз Республикасынын кесиптик орто окуу жайларына кабыл алуунун Эрежелерин бекитүү жөнүндө
Кыргыз Республикасынын билим берүү жана илим министрлигинин 2007-жылдын 31-майындагы № 293/1 буйругу

КР 2009-жылдын 20-июлундагы № 241 «Кыргыз Республикасынын ченемдик укуктук актылары жөнүндө» Мыйзамынын 36-беренесине ылайык күчүн токтотту

Кыргыз Республикасынын «Билим берүү жөнүндө» Мыйзамы, Кыргыз Республикасынын Өкмөтүнүн 2004-жылдын 3-февралындагы № 53 токтому менен бекитилген «Кыргыз Республикасынын кесиптик орто билим берүү уюму жөнүндөгү» Жобого ылайык Кыргыз Республикасында кесиптик орто билим берүүнү ишке ашыруучу окуу жайларына студенттерди кабыл алууну уюштуруу максатында буйрук кыламын:

1. «2007-2008-окуу жылына Кыргыз Республикасынын кесиптик орто билим берүүнүн кесиптик билим берүү программаларын ишке ашыруучу Кыргыз Республикасынын билим берүү уюмдарына кабыл алуунун Эрежелери» бекитилсин.