«Ак-Сай Цемент» жабык акционердик коомуна Кыргыз Республикасынын Ош облусунун Ноокат районундагы Ынтымак айылдык кеңешинин аймагында жайгашкан жер участокторун убактылуу пайдаланууга берүү жөнүндө» Кыргыз Республикасынын Өкмөтүнүн 2008-жылдын 15-апрелиндеги № 149 токтому

«Ак-Сай Цемент» жабык акционердик коомуна Кыргыз Республикасынын Ош облусунун Ноокат районундагы Ынтымак айылдык кеңешинин аймагында жайгашкан жер участокторун убактылуу пайдаланууга берүү жөнүндө
Кыргыз Республикасынын Өкмөтүнүн 2008-жылдын 15-апрелиндеги № 149 токтому

Кыргыз Республикасынын экономикасына тике инвестицияларды тартуу максатында, Кыргыз Республикасынын Граждандык кодексинин 233-6, 384-статьяларына жана 27-главасына, Кыргыз Республикасынын Жер кодексинин 4, 5, 20, 32-статьяларына ылайык Кыргыз Республикасынын Өкмөтү токтом кылат:

1. Кыргыз Республикасынын Ош облусунун мамлекеттик администрациясынын Жер бөлүп берүү менен байланышкан маселелер боюнча республикалык комиссия менен макулдашылган, жалпы аянты 410,8 га жер участогун, анын ичинде Ош облусунун Ноокат районундагы Ынтымак айылдык кеңешинин Айыл чарба жерлерин кайра бөлүштүрүү фондунун 33 га кайрак айдоосун жана 377,8 га жайытын ижара келишиминин шартында «Ак-Сай Цемент» жабык акционердик коомуна төмөнкүдөй мөөнөттөргө убактылуу пайдаланууга берүү жөнүндө сунушу кабыл алынсын:

- цемент-шифер заводун куруу үчүн - 27,0 га жайытты жана 33,0 га кайрак айдоону 49 жылга;