Кыргыз Республикасынын Экономикалык өнүктүрүү жана соода министрлиги менен Латвия Республикасынын Экономика министрлигинин ортосундагы Кызматташуу жөнүндө меморандум (2008-жылдын 16-майында)

Долбоор

Кыргыз Республикасынын Экономикалык өнүктүрүү жана соода министрлиги менен Латвия Республикасынын
Экономика министрлигинин ортосундагы Кызматташуу жөнүндө
меморандум

КР Өкмөтүнүн 2008-жылдын 16-майындагы № 220-б буйругун караңыз

Мындан ары Тараптар деп аталуучу Кыргыз Республикасынын Экономикалык өнүктүрүү жана соода министрлиги менен Латвия Республикасынын Экономика министрлиги,

тең укуктуу жана өз ара пайдалуу негизде Кыргыз Республикасы менен Латвия Республикасынын ортосундагы кызматташууга андан ары түрткү берүүнү каалап,

экономикалык, соода жана инвестициялык кызматташууну, рыноктук мамилелерди өнүктүрүүгө дем берүүнүн маанилүүлүгүн таанып,

Тараптардын мамлекеттери катышуучу болгон эл аралык келишимдердин жоболорун эске алып,

Латвия Республикасынын Европалык Союздагы мүчөлүгүн эске алып,

Тараптардын мамлекеттеринин Дүйнөлүк соода уюмунун чегинде кабыл алынган милдеттерин ырастап,

төмөнкүлөр жөнүндө макулдашты.

1-берене.

Тараптар өздөрүнүн мамлекеттеринин улуттук мыйзамдарына ылайык өз ара пайдалуу кызматташтыкты өнүктүрүүгө төмөнкү багыттар боюнча көмөк көрсөтүшөт:

1) соода жаатында;

2) макроэкономикалык талдоо жана болжолдоо жаатында;

3) инвестициялар, инновациялар жана экономикалык долбоорлорду ишке ашыруу жаатында;

4) ишкердик жаатында;

5) техникалык жөнгө салуу жаатында;

6) өз ара кызыкчылыкты туудурган башка жааттарда.

2-берене.

Тараптар кызматташтыкты төмөнкүдөй иш-чараларды ишке ашыруу жолдору менен жүргүзүшөт:

1) Тараптардын мамлекеттеринин улуттук мыйзамдарына ылайык соода жана инвестициялар жаатындагы информациялык жана статистикалык маалыматтарды алмашуу;

2) инвестициялардын жана технологиялардын келүүсүн көбөйтүү жана соода байланышын кеңейтүү максатында кызматташууну ишке ашыруу үчүн экономика тармактарын аныктоо;