«Кыргыз Республикасынын экономикалык жана социалдык саясатынын негизги параметрлерин бекитүү жөнүндө» Кыргыз Республикасынын Өкмөтүнүн 2008-жылдын 2-июлундагы № 360 токтому

Кыргыз Республикасынын экономикалык жана социалдык саясатынын негизги параметрлерин бекитүү жөнүндө
Кыргыз Республикасынын Өкмөтүнүн 2008-жылдын 2-июлундагы № 360 токтому

Кыргыз Республикасынын Президентинин 2008-жылдын 10-январындагы Кыргыз Республикасынын Жогорку Кеңешине жана Кыргыз Республикасынын Өкмөтүнө кайрылган кайрылуусунда коюлган маселелерди чечүү максатында, Кыргыз Республикасынын Өкмөтүнүн 2008-жылдын 19-январындагы № 15 «2007-жылы Кыргыз Республикасын социалдык-экономикалык өнүктүрүүнүн жыйынтыктары жөнүндө» токтомунун 8-пунктуна ылайык Кыргыз Республикасынын Өкмөтү токтом кылат:

1. Кыргыз Республикасынын экономикалык жана социалдык саясатынын негизги параметрлеринин тиркелген тизмеси (мындан ары - тизме) бекитилсин.

2. Кыргыз Республикасынын Улуттук статистикалык комитетине «Кыргыз Республикасынын социалдык-экономикалык абалы» деген жарыялоодо Кыргыз Республикасынын экономикалык жана социалдык саясатынын негизги параметрлери боюнча такталган маалыматтарды жарыялоо сунушталсын.

3. Кыргыз Республикасынын Экономикалык өнүктүрүү жана соода министрлиги аталган параметрлерди Кыргыз Республикасынын социалдык-экономикалык өнүгүүсүнө мониторинг, талдоо жана божомол жүргүзүүдө пайдалансын.