«Ишкердик субъекттерин текшерүүлөр боюнча Бирдиктүү автоматташтырылган маалыматтар базасы - «Контр-Про» программасы жөнүндө» Кыргыз Республикасынын Өкмөтүнүн 2008-жылдын 4-июлундагы № 363 токтому (күчүн жоготкон)

Ишкердик субъекттерин текшерүүлөр боюнча Бирдиктүү автоматташтырылган маалыматтар базасы - «Контр-Про» программасы жөнүндө
Кыргыз Республикасынын Өкмөтүнүн 2008-жылдын 4-июлундагы № 363 токтому

КР Өкмөтүнүн 2013.15.04. № 195 токтомуна ылайык күчүн жоготкон

«Ишкердик субъекттерине текшерүүлөрдү жүргүзүү тартиби жөнүндө» Кыргыз Республикасынын Мыйзамына, Кыргыз Республикасынын Президентинин 2007-жылдын 2-июлундагы № 330 «Ишкердик субъекттерине текшерүүлөрдү жүргүзүү тартибин өркүндөтүү боюнча чаралар жөнүндө» Жарлыгына ылайык, ишкердик субъекттеринин ишмердигине ыйгарым укуктуу органдардын негизсиз жана ашыкча кийлигишүүсүн четтетүү жана ыйгарым укуктуу органдар тарабынан текшерүүлөрдү жүргүзүү тартибин өркүндөтүү максатында Кыргыз Республикасынын Өкмөтү токтом кылат:

1. Ишкердик субъекттерин текшерүүлөр боюнча Бирдиктүү автоматташтырылган маалыматтар базасы болуп «Контр-Про» программасы (мындан ары «Контр-Про» программасы) аныкталсын.

2. Ишкердик субъекттерине текшерүүлөрдү жүргүзүүгө укуктуу ыйгарым укуктуу органдар:

- ушул токтом күчүнө кирген күндөн тартып бир айлык мөөнөттө «Контр-Про» мониторингинин электрондук системасын өркүндөтүү» GTZ долбоору менен бирдикте «Контр-Про» программасын орнотушсун;