«Кыргыз Республикасындагы банктар жана банк иши жөнүндө» Кыргыз Республикасынын Мыйзамына өзгөртүүлөр жана толуктоолор киргизүү тууралуу» Кыргыз Республикасынын Мыйзамы (Долбоор) (2008-жылдын 8-августунда)

Долбоор

Кыргыз Республикасынын
Мыйзамы

«Кыргыз Республикасындагы банктар жана банк иши жөнүндө»

Кыргыз Республикасынын Мыйзамына өзгөртүүлөр жана толуктоолор киргизүү тууралуу

Мыйзам долбоору КР Өкмөтүнүн 2008-жылдын 8-августундагы № 435 токтому менен КР Жогорку Кеңешинин кароосуна жиберилген

1-статья. «Кыргыз Республикасындагы банктар жана банк иши жөнүндө» Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 1997, № 10, 471-ст.) төмөнкүдөй өзгөртүүлөр жана толуктоолор киргизилсин:

1. 8-статьяда:

- 2-пункт төмөнкүдөй редакцияда баяндалсын:

«2. Банк ачык акционердик коом түрүндө гана түзүлүшү жана иштеши мүмкүн.»;

- 3-пункттун экинчи абзацында»(бардык түрү)»деген сөздөр алып салынсын.

2. 22-статьянын 1-пунктунун экинчи жана үчүнчү абзацтары төмөнкүдөй редакцияда баяндалсын:

«Жогорудагы маалымдоо банктын жалпы чогулушун чакырууга чейин жок дегенде жыйырма күн мурда жасалышы керек, бул банктын акционерлерине чогулуштун кароосуна коюлган маселелер боюнча маалыматтык чечим кабыл алууга мүмкүндүк берет.