«Соттардың еңбек дауларын шешу кезінде заңнамаларды қолдануының кейбір мәселелері туралы» Қазақстан Республикасы Жоғарғы Сотының 2003 жылғы 19 желтоқсандағы № 9 нормативтік қаулысына өзгерістер енгізу туралы» Қазақстан Республикасы Жоғарғы Сотының 2008 жылғы 22 желтоқсандағы № 20 Нормативтік қаулысы (күші жойылды)

«Соттардың еңбек дауларын шешу кезінде заңнамаларды қолдануының кейбір мәселелері туралы» Қазақстан Республикасы Жоғарғы Сотының 2003 жылғы 19 желтоқсандағы № 9 нормативтік қаулысына өзгерістер енгізу туралы
Қазақстан Республикасы Жоғарғы Сотының 2008 жылғы 22 желтоқсандағы № 20 Нормативтік қаулысы

ҚР Жоғарғы Сотының 2017 жылғы 6 қазандағы № 9 нормативтік қаулысымен күші жойылды

Қазақстан Республикасының жаңа Еңбек кодексінің қабылдануына және заңнамаға өзгерістер енгізілуіне байланысты Қазақстан Республикасы Жоғарғы Сотының жалпы отырысы

қаулы етеді:

1. «Соттардың еңбек дауларын шешу кезінде заңнамаларды қолдануының кейбір мәселелері туралы» Қазақстан Республикасы Жоғарғы Сотының 2003 жылғы 19 желтоқсандағы № 9 нормативтік қаулысына мынадай өзгерістер енгізілсін:

1) 2-тармақтағы «Қазақстан Республикасында еңбек туралы» (әрі қарай - Еңбек туралы Заң) Заңының», «еңбек туралы Заңның», «еңбек туралы Заңмен» деген сөздер тиісінше «Қазақстан Республикасының Еңбек кодексінің» (бұдан әрі - Еңбек кодексі)», «Еңбек кодексінің», «Еңбек кодексімен» деген сөздермен ауыстырылсын;

2) 3-тармақта:

«Еңбек туралы Заңмен» деген сөздер «Еңбек кодексімен» деген сөздермен ауыстырылсын;

«жеке», «(әрі қарай еңбек шарттары)» деген сөздер алып тасталсын;

3) 5-тармақ мынадай редакцияда жазылсын:

«5. Еңбек дауларын келісім комиссиялары және (немесе) соттар қарайды.

Жеке еңбек дауларын қарау жөніндегі органдарға жұмысқа қайта алу туралы өтініш беру үшін жұмыс берушінің еңбек шартын бұзу туралы актісінің көшірмесін алған күннен бастап үш ай мерзім, басқа еңбек даулары бойынша - қызметкер немесе жұмыс беруші өз құқығының бұзылғаны туралы білген немесе білуге тиіс болған күннен бастап бір жыл мерзім қарастырылған.

Өтініш беру мерзімін сот даудағы тараптың арызы бойынша ғана қолданады.

Еңбек кодексінің 172-бабында қарастырылған мерзімдер дәлелді себептер бойынша өткізіп алынғаны белгілі болған жағдайда сот шешімнің қарар бөлігіне ол туралы көрсетеді және дауды мәні бойынша шешеді.