(БҰРЫНҒЫ РЕДАКЦИЯ) АҚТӨБЕ ОБЛЫСЫ АҚТӨБЕ ҚАЛАЛЫҚ МӘСЛИХАТЫНЫҢ 22.12.2...

2009 жылға арналған Ақтөбе қаласының бюджеті туралы
Ақтөбе облысы Ақтөбе қалалық мәслихатының 2008 жылғы 22 желтоқсандағы № 109 шешімі

Осы редакция 2009 жылғы 16 ақпандағы енгізілген өзгерістеріне дейін қолданылды

«Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы № 148 Заңының 6 бабы және «Қазақстан Республикасының Бюджет кодексі» Қазақстан Республикасының 2008 жылғы 4 желтоқсандағы № 95 Кодексінің 9 бабына сәйкес Ақтөбе қалалық мәслихаты ШЕШІМ ЕТЕДІ:

1. 2009 жылға арналған қалалық бюджет 1 қосымшаға сәйкес келесі көлемде бекітілсін:

1) түсімдер - 16198879 мың теңге,

соның ішінде:

салықтық түсімдер - 10659150 мың теңге;

салықтық емес түсімдер - 342050 мың теңге;

негізгі капиталды сатудан түскен

түсімдер - 2512400 мың теңге;

трансферттер түсімі - 2685279 мың теңге;

2) шығындар 15413879 мың теңге;

3) таза бюджеттік несиелеу - 0 теңге, соның ішінде:

бюджеттік несиелер - 0 теңге;

бюджеттік несиелерді өтеу - 0 теңге;

4) қаржылық активтермен операциялар

бойынша сальдо - 23000 мың теңге, соның ішінде:

қаржылық активтерді сатып алу - 23000 мың теңге;

мемлекеттің қаржылық активтерін

сатудан түскен түсімдер - 0 теңге;

5) бюджет профициті - 762000 мың теңге;

6) бюджет профицитін пайдалану - (-762000) мың теңге;

2. Қазақстан Республикасы Бюджеттік Кодексінің 52 бабына сәйкес, 1 тармағының 1, 2 тармақшаларда қаралғандарды қоспағанда, түсімдер қалалық бюджет кірісіне толық есептелсін.

3. Облыстық мәслихаттың «2009 жылға арналған облыстық бюджет туралы» шешімімен жалпы мемлекеттік салықтар түсімдерінің жалпы сомасы қалаға мынадай мөлшерде бөлінуі белгіленгені еске алынсын:

1) төлем көзінен салық салынатын табыстардан ұсталатын жеке табыс салығы 20 пайыз;

2) әлеуметтік салық 20 пайыз.