«Қостанай қаласында орналасқан салық салу объектісі бірлігінен тіркелген салық ставкаларының мөлшерін бекіту туралы» Қостанай облысы Қостанай қаласы Мәслихатының 2009 жылғы 2 ақпандағы № 162 шешімі (2013.15.02. берілген өзгерістермен) (күші жойылды)

Қостанай қаласында орналасқан салық салу объектісі бірлігінен тіркелген салық ставкаларының мөлшерін бекіту туралы
Қостанай облысы Қостанай қаласы Мәслихатының 2009 жылғы 2 ақпандағы № 162 шешімі

(2013.15.02. берілген өзгерістермен)

Қостанай облысы Қостанай қаласы мәслихатының 2018 жылғы 28 наурыздағы № 233 шешімімен күші жойылды

«Қазақстан Республикасындағы жергілікті мемлекеттік басқару туралы» Қазақстан Республикасы Заңына, «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасы Кодексіне сәйкес, Қостанай қалалық мәслихаты ШЕШТІ:

1. Қостанай қаласында орналасқан салық салу объектісі бірлігінен айына тіркелген салық ставкаларының мөлшері бекітілсін (қоса беріліп отыр).

2. Қостанай қалалық мәслихаты шешімдерінің күші жойылған деп танылсын:

1) «Қостанай қаласында орналасқан салық салу объектісі бірлігінен тіркелген жиынтық салығы ставкаларының көлемдерін бекіту туралы» 2006 жылғы 5 сәуірдегі № 244 шешім (Нормативтiк құқықтық кесiмдердi мемлекеттік тiркеу тiзiлiмiнде тiркелген № 9-1-45, 2006 жылғы 19 мамырдағы № 54 «Қостанай» газеті);