Сәулет, қала құрылысы және құрылыс қызметін ерекше реттеу, сондай-ақ астана және қала маңындағы аймақтардың аумағында қала құрылысын регламенттеу ережелері

Сәулет, қала құрылысы және құрылыс қызметін ерекше реттеу, сондай-ақ астана және қала маңындағы аймақтардың аумағында қала құрылысын регламенттеу ережелері

Мазмұны

1. Жалпы ережел

2. Қала маңындағы аймақ жерлерінің құрамы және оларды пайдалану ерекшеліктері

3. Астана қаласы мен қала маңындағы аймақтағы қала құрылысы қызметін реттеу әртібі

4. Қорытынды ережелер

Сәулет, қала құрылысы және құрылыс қызметін ерекше реттеу, сондай-ақ астана және қала маңындағы аймақтардың аумағында қала құрылысын регламенттеу ережелері (бұдан әрі - Ережелер) Қазақстан Республикасының 2003 жылғы 20 маусымдағы Жер кодексіне, «Қазақстан Республикасындағы Сәулет, қала құрылысы және құрылыс қызметі туралы» 2001 жылғы 16 шілдедегі Қазақстан Республикасының Заңына, «Қазақстан Республикасы астанасының мәртебесі туралы» 2007 жылғы 21 шілдедегі Қазақстан Республикасының Заңына, «Астана қаласының және республикалық маңызы бар қалалардың қала маңы аймағына қосылған жердің пайдалану ережесi мен режимiн бекіту туралы» Қазақстан Республикасы Үкіметінің 2003 жылғы 18 желтоқсандағы қаулысына сәйкес және Астана қаласының қала маңындағы аймақтардың жерлерін реттеу және мақсатты пайдалану мақсатында әзірленді.

1. Жалпы ережелер

1. Ережелерде қолданылатын негізгі терминдер мен ұғымдар:

Астана қаласының қала маңындағы аймағының сызбасы (бұдан әрі - Сызба) - Астана қаласының қала маңындағы аймақтың қала құрылысы саясатының негізгі бағыттарын негіздейтін және айқындайтын, Қазақстан Республикасының Үкіметі белгілейтін және өзгертетін Астана қаласы Бас жоспарының ажырамас бөлігі болып табылатын тұрақты әрекет ететін және үнемі жаңартылатын құжат;