Дәрілік заттың қолданылуы жөнінде мамандарға арналған НҰСҚАУЛЫҚ АБИЛИФАЙ (Қазақстан Республикасы Денсаулық сақтау министрлігі Фармация комитеті Төрағасының 2007 жылғы 27 тамыздағы № 152 бұйрығымен Бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 27 тамыздағы

№ 152 бұйрығымен

Бекітілген

Дәрілік заттың қолданылуы жөнінде
мамандарға арналған
НҰСҚАУЛЫҚ
АБИЛИФАЙ

Саудалық атауы

Абилифай

Халықаралық патенттелмеген атауы

Арипипразол

Дәрілік түрі

5 мг, 10 мг, 15 мг, 30 мг таблеткалар

Құрамы

Бір таблетканың құрамында

белсенді зат - 5 мг, 10 мг, 15 мг, 30 мг арипипразол,

қосымша заттар: лактоза моногидраты, микрокристалды целлюлоза, жүгері крахмалы, гипролоза, магний стеараты, темірдің сары тотығы бояғыш заты (15 мг таблеткалар), темірдің қызыл тотығы бояғыш заты (10 мг және 30 мг таблеткалар), алюминий көгілдір лагы (5 мг таблеткалар).

Сипаттамасы

5 мг таблеткалар: көгілдір түсті, жиегі дөңгелектенген тік бұрышты таблеткалар, бір жақ бетінде «А-007» және «5» деген таңбасы бар.

10 мг таблеткалар: қызғылт түсті, жиегі дөңгелектенген тік бұрышты таблеткалар, бір жақ бетінде «А-008» және «10» деген таңбасы бар.

15 мг таблеткалар: кертігі бар, сары түсті дөңгелек таблеткалар, бір жақ бетінде «А-009» және «15» деген таңбасы бар.

30 мг таблеткалар: кертігі бар, қызғылт түсті дөңгелек таблеткалар, бір жақ бетінде «А-011» және «30» деген таңбасы бар.

Фармакотерапиялық тобы

Психолептиктер. Антипсихотикалық басқадай дәрілер

АТЖ коды N05АХ12

Фармакологиялық қасиеттері

Шизопрения кезіндегі арипипразолдың емдік әсері D2 дофаминді және 5НТ1а серотинді рецепторларға қатысты ішінара агонистік белсенділігі мен 5НТ2 серотинді рецепторларға қатысты антагонистік белсенділігінің бірігуімен жүзеге асады.

Фармакокинетикасы

Абилифайдың белсенділігі негізінен бастапқы зат - арипипразолдың болуымен жүзеге асады. Арипипразолдың орташа жартылай шығарылу кезеңі - шамамен 75 сағат. Тепе-тең қанығу деңгейіне 14 күннен кейін жетеді. Бірнеше рет қабылдаған кезде препараттың жиналуы болжанған. Арипипразолдың фармакокинетикасының көрсеткіштері тепе-тең жағдайда дозаға пропорционал. Арипипразолдың және оның метаболиті дегидроарипипразолдың таралуының тәуліктік өзгеруі білінген жоқ. Адам плазмасындағы препараттың негізгі метаболиті - дегидроарипипразолдың D2 дофаминді рецепторларға арипипразолдағыдай аффинділігі бар.