Дәрілік затты қолдану жөнінде мамандарға арналған нұсқаулық АДРЕНАЛИН-ЗДОРОВЬЕ (ADRENALIN-ZDOROVYE) (Қазақстан Республикасы Денсаулық сақтау министрлігі Фармация комитеті Төрағасының 2008 жылғы 14 сәуірдегі № 82 бұйрығымен Бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2008 жылғы 14 сәуірдегі

№ 82 бұйрығымен

Бекітілген

Дәрілік затты қолдану жөнінде
мамандарға арналған
нұсқаулық
АДРЕНАЛИН-ЗДОРОВЬЕ
(ADRENALIN-ZDOROVYE)

Саудалық атауы

Адреналин- Здоровье

(ADRENALIN-ZDOROVYE)

Халықаралық патенттелмеген атауы

Эпинефрин

Дәрілік түрі

Инъекцияға арналған 0,18% ерітінді

Құрамы

1 мл ерітіндінің құрамында

белсенді зат - 1,82 мг эпинефрин гидротартраты,

қосымша заттар: натрий метабисульфиті, натрий хлориді, инъекцияға арналған су бар.

Сипаттамасы

Мөлдір түссіз сұйықтық

Фармакотерапиялық тобы

Кардиотоникалық препараттар (жүрек гликозидтерін қоспағанда). Адрено- және допамин-ынталандырғыштары.

АТЖ коды С01CA24

Фармакологиялық қасиеттері

Фармакокинетикасы

Бұлшық ет ішіне және тері астына енгізген кезде тез сіңеді; қанда ең жоғары қанығу деңгейіне 3 - 10 минуттан соң жетеді. Плацентарлы бөгет арқылы, емшек сүтіне өтеді, гематоэнцефалиялық бөгет арқылы өтпейді. Бауыр, бүйрек жасушаларында, ішектің шырышты қабығында, аксондарда моноаминооксидазамен (ванилилминдал қышқылына) және катехол-О-метилтрансферазамен метаболизденеді. Көктамыр ішіне енгізген кезде жартылай шығарылу кезеңі 1-2 минут құрайды. Метаболиттердің шығарылуы бүйректер арқылы жүзеге асады.

Фармакодинамикасы

Адреналин-Денсаулық - кардиоынталандырғыш, қан тамырларын тарылтқыш, гипертензиялық, гипергликемиялық дәрі. Препарат әр жерге орныққан a және b адренорецепторларды ынталандырады.

Препараттың әсер етуінің алғашқы кезеңі b-адренорецепторлардың ынталануымен жүзеге асады және тахикардиямен, жүректің соғу ырғағының, қозғыштығының және миокардтың өткізгіштігінің жоғарылауымен, артериоло- және бронходилатациямен, жатыр тонусының төмендеуімен, аллергиялық реакциялардың тежелуімен, гликогеннің бауырдан және май қышқылдарының май қорынан мобилизациялануымен білінеді. Екінші кезеңде a-адренорецепторлар қозады, бұл құрсақ қуысы ағзалары, тері, шырышты қабық қан тамырларының тарылуына, систолалық артериялық қысымның, қан тамырлардың жалпы шеткергі кернеуінің жоғарылауына әкеледі.